影片
更多
2021-09-03
919 瀏覽
話說男朋友大愛越南野，所以周不時都會陪佢周圍揾周圍食越南法包，仲專登深入屯門。點知一係就係個包太硬太刮口，一係就係調味好奇怪 無最傳統嘅越式肝醬。今次終於揾到間幾岩口味嘅！餐廳以外賣為主，只有一張窗邊高枱同門口打卡位。一查之下先發現，原來佢係blacksheep旗下嘅餐廳~ 餐廳食物選擇唔算好多，有三款長駐嘅法包：雞、豬、豆腐，亦會有期間限定嘅口味~𝘽𝘼́𝙉𝙃 𝙈𝙄́法包烘得香脆，又唔會太乾太硬太刮口~🐣𝘾𝙃𝙄𝘾𝙆𝙀𝙉 $98雞肉挺嫩 毫不乾柴，夾雜酸甜爽口嘅蘿蔔絲、青瓜、芫荽，清新開胃。不過重點都係個雞肝醬。偶爾咬到一粒粒嘅越南辣椒，真係辣到痴線。唔係好食得辣嘅朋友仔記得走左佢啦~🐮𝘽𝙀𝙀𝙁 𝙍𝙀𝙉𝘿𝘼𝙉𝙂 $108係期間限定嘅巴東牛肉！炆得軟腍入味！巴東牛肉份量十足，食落近乎啖啖肉。相比雞肉個款，蔬菜份量較少，但整體較為juicy，而且完全唔辣。呢個fusion法包唔錯喔~整體嚟講，難得一間越南法包幾岩口味！法包口感唔錯，餡料份量十足，啲肉唔會淨係得幾片，貴小小都值得嘅~ 如果想健康啲就可以揀肉同蔬菜近乎一比一嘅雞肉法包，食肉獸就可以揀份量十足嘅巴東牛肉。兩款法包都加左好多芫荽！唔食嘅
餐廳以外賣為主，只有一張窗邊高枱同門口打卡位。一查之下先發現，原來佢係blacksheep旗下嘅餐廳~ 餐廳食物選擇唔算好多，有三款長駐嘅法包：雞、豬、豆腐，亦會有期間限定嘅口味~
𝘽𝘼́𝙉𝙃 𝙈𝙄́
法包烘得香脆，又唔會太乾太硬太刮口~
🐣𝘾𝙃𝙄𝘾𝙆𝙀𝙉 $98
雞肉挺嫩 毫不乾柴，夾雜酸甜爽口嘅蘿蔔絲、青瓜、芫荽，清新開胃。不過重點都係個雞肝醬。偶爾咬到一粒粒嘅越南辣椒，真係辣到痴線。唔係好食得辣嘅朋友仔記得走左佢啦~
🐮𝘽𝙀𝙀𝙁 𝙍𝙀𝙉𝘿𝘼𝙉𝙂 $108
係期間限定嘅巴東牛肉！炆得軟腍入味！巴東牛肉份量十足，食落近乎啖啖肉。相比雞肉個款，蔬菜份量較少，但整體較為juicy，而且完全唔辣。呢個fusion法包唔錯喔~整體嚟講，難得一間越南法包幾岩口味！法包口感唔錯，餡料份量十足，啲肉唔會淨係得幾片，貴小小都值得嘅~ 如果想健康啲就可以揀肉同蔬菜近乎一比一嘅雞肉法包，食肉獸就可以揀份量十足嘅巴東牛肉。兩款法包都加左好多芫荽！唔食嘅朋友記住走咗去啦~
張貼
