牛大人台灣火鍋吃到飽 (荷李活商業中心)

營業中

休息中

牛大人呢啲咁難book嘅野終於有機會食到🤭 要食就緊係食最貴嘅＜ 澳洲極上和牛 ＞set啦，多謝位位💲298加一🤣 首先講下個鍋底，揀咗台灣鳳梨雞鍋，湯底有半隻雞，再加埋鳳梨 和 苦瓜做配料，味道酸酸甜甜😋，任食打邊爐應該開胃啲，唔會咁快覺得滯🤭＜ 澳洲極上和牛 ＞set 嘅犀利之處係每人有2粒M9和牛丸(呢個真係勁好食😍)，另外仲可以order哂所有其他set嘅食物。 牛肉方面，好欣賞佢嘅澳洲和牛M5牛肩卷😋，食到尾嘅時候都仲係一開始嘅雪花靚質素❣唔似其他放題食到最尾走哂樣🙄； 魚漿中，黑色嘅蟹子墨汁漿我覺得係最好食🖤，其他本人覺得麻麻地🤣； 牛媽秘製滷牛筋都正，但想食就要早啲order放入鍋先，因為要煮林佢都要啲時間。