一喜日本料理

營業中

休息中

尖沙咀真係好多野食揀，今次就食返餐日本野啦。呢間係要搶lift 上7樓，唔算太多人等lift，上到去都有位，好彩唔洗等。環境好乾淨，坐既位唔迫，幾舒服。之後我就同同事嗌左d 野食，等大概15分鐘左右，d 野食都陸續到。每人都有一個細沙律，但有d d 酸。。同事嗌左呢個三文魚魚生飯(走辣)，好大碗，個心形砌得幾靚。我就食左呢個叉燒烏冬，烏冬幾有咬口，份量都適中。另一個同事就食左呢個洋蔥豚肉生薑燒，唔會太咸，個汁幾入味，份量都唔少。其間有同事唔小心掉左筷子落地，都未舉手要求比對新筷子，店員已經好主動甘拎返對新既筷子比我同事，真係好細心。呢間野都幾抵，個餐係免加一，服務又好，唔錯唔錯。