103
2
3
港鐵尖沙咀/尖東站 N2 出口, 步行約3分鐘 繼續閱讀
電話號碼
27884779
營業時間
今日營業
全日休息
星期一至二
12:00 - 15:00
18:00 - 23:00
星期三
全日休息
星期四至日
12:00 - 15:00
18:00 - 23:00
付款方式
Visa Master 現金 銀聯
其他資料
網上訂座
酒精飲品
電話訂座
賞訂座積分
有關獎賞計劃
食評 (112)
等級4 2018-11-01
645 瀏覽
日本菜一直都係朋友嘅至愛,上次收帖同佢傾得未夠所以約埋一齊單獨再促膝長談。 今次係尖沙咀捐窿捐罅,又發現咗一間唔錯嘅樓上日式料理。 由於假日關係,所以一早就打咗去預約。 餐廳位於寶勒巷10號食肆大廈之中,從7樓一出睇到呢個魚圖案就知冇嚟錯。 呢度燈光光猛,而日系裝潢增添和式氛圍絕對係女孩子們相機食先嘅好地方。MENU中食物選擇並不少,當我地一路睇MENU時侯,聽到旁邊有2枱食客不斷讚廚師好手勢同食物質素,所以點餐時都略帶期待。刺身嘅好與壞簡單顯示日本餐廳質素高低,所以同朋友先點了份「松」刺身拼盤。盛盒一共包含8種不同刺身,分別有:帆立貝/八爪魚/甜蝦/三文魚/北寄貝/鮪魚/劍魚腩及油甘魚。都幾豐富。刺身賣相新鮮非常吸晴,好自然相機食先已經成為我指定動作。朋友都話佢女友都係咁。哈哈。八爪魚比平時食到嘅比較多汁,有咬口兼且有濃郁咸鮮海水味。咁多樣刺身之中最喜歡帆立貝,因為味道最鮮甜入口軟滑。三文魚亦非常肥美食落唔會太冰凍,加上脂肪比例均勻,三文魚油從口中慢慢溶化,脂香十足。甜蝦食落黏口膠質感豐富又夠鮮甜。之後叫左幾款串燒,睇見上枱時色澤都唔錯證明師傅落足心機去燒製。鹽燒廣島蠔。蠔身燒熟後明顥變得乾身,但咬落又有蠔汁,夠哂惹味。汁燒帆立貝。呢款串燒同剛剛食到刺身相反,串燒過後帆立貝變得爽口,再配上燒汁食一流。其餘雞腎串/雞軟骨串/雞翼/蕃薯等都幾惹味,傾計時食啱晒。食完之後再點咗個火鍋烚下烚下,配料都十分之多有金菇,豆腐,白菜等等,當然唔少得主角豚肉啦。雖然食物上枱時己經煮熱,但用紙火鍋保持其溫度嘅做法幾唔錯。紙火鍋望落幾細盤,但份量原來好多。兩個人都差啲食唔晒。湯低選用豬骨湯唔會太濃味同太鹹,既沒有蓋過食材原味仲提香不少。餐廳食物質素偏高,難怪其他食客都讚不絕口。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-21
556 瀏覽
話說肥妹仔今晚同肥妹仔嘅好朋友一齊去咗尖沙咀嘅一間日本餐廳食日本菜,上到去見到入面嘅裝飾非常漂亮,充滿日式風味。豆腐野菜沙律  $78沙律菜非常新鮮,冇出水,咬落去非常爽脆。豆腐亦都非常軟滑, 另外仲有一啲新鮮嘅番茄仔,食落去好多汁,好香甜。巨峰提子梳打  $38肥妹仔嘅朋友叫咗一個巨峰提子梳打,肥妹仔我試咗一啖,非常香巨峰提子味,而且梳打好適合很咁炎熱嘅夏天飲。富士蘋果蜜  $38肥妹仔我就叫咗一個富士蘋果蜜,佢嘅蘋果蜜唔係淨係得果醬,仲有好多蘋果果肉,而且每一粒果肉都非常香甜,飲落去超香蘋果味。活赤貝刺身  $78帆立貝刺身  $98甜蝦刺身  $88海膽一板  $188相信鍾意食刺身嘅朋友見到呢一客刺身拼盤真係會尖叫,因為佢嘅刺身種類好多,同埋質素亦都非常高。先講佢個活赤貝刺身,貝赤貝非常香甜,而且極度爽口,真係超級新鮮。而佢嘅帆立貝刺身粒粒都超級大隻,肉質非常厚,咬落去真係啖啖肉!甜蝦刺身並唔係我哋一般出去食放題嗰隻質素,真係非常大隻,咬落去真係好甜,好好食。而佢嘅海膽亦都不錯。食落去有好香嘅海膽鮮甜味道,撈埋紫菜同飯食另一種滋味。日本廣島蠔天婦羅  $98廣島蠔菜包少少粉漿攞去炸,除咗食得出蠔嘅鮮甜味之外,仲有非常香脆嘅口感,唔使點任何醬汁都好好食。京都醬油牛肉鍋  $198識咗咁多生冷嘢,就係時候食番一啲熱鍋啦!呢一個京都醬油牛肉鍋分量超級多,上面鋪滿了牛肉,牛肉食落去非常軟淋,吸滿了醬油嘅甜味,非常好食。牛肉嘅下面就係一啲日本粉絲同埋菜, 索滿了京都醬油嘅味道,好好食。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-10-13
458 瀏覽
阿姨最喜愛食日本菜,朋友介紹我試下呢間樓上日本餐廳,今晚就帶阿姨黎試下裝修日系,座位寬敞舒適,牆璧的掛畫,四週的擺設和裝飾,好有和風氣息揭開十多頁的menu, 發現選擇甚多,分類亦好仔細,有A5和牛宴,刺身,刺身拼盤,壽司,壽司拼盤,卷物,沙律前菜,燒物,串燒,天婦羅/揚物,鉄板燒,煮物/鍋物,拉麵/手打烏冬,御飯,酒類/飲品,真係花多眼亂,樣樣都想試吓和風野菜沙律~份量勁多,沙律菜好新鮮,車厘茄仔多汁甜美,超甜粟米粒,配埋酸酸的和風沙律汁,好開胃刺身揀左油甘魚,甜蝦和海膽油甘魚刺身~厚切,鮮甜爽口海膽一板~ 鮮甜的海膽密密麻麻的排在一起,用紙菜包着飯一起吃,正甜蝦刺身~又大隻又爽甜,好鮮味!蝦頭和部份蝦殼已處理過,方便進食,好窩心蝦頭的膏一點腥味也沒有,證明好新鮮自製甜蝦海膽紫菜手卷,蝦和海膽好match鹽燒油甘魚頭~好大的一個油甘魚頭,皮燒到好脆好香肉質嫩滑多汁,油脂豐腴,咸度適中,好美味魚肉又多又厚肉,新鮮程度達到就算凍左都一點腥味也沒有,我個Cat姨一邊食,一邊讚不絕口,好彩個魚頭咁大咁厚肉,每人分到5-6件,所以沒有出現爭吃的現像極驚喜的一個魚頭!豚肉紙火鍋~熱住上,豚肉好嫩滑,配料有小棠菜,金菇,冬菇,豆腐,葛粉(似粗粉絲), 湯味清甜富士蘋果蜜和檸檬柚子蜜~富士蘋果蜜有香甜的富士蘋果粒,好fresh! 柚子蜜酸酸甜甜好開胃! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-27
1565 瀏覽
星期一又再重新出發,朋友決定去尖沙咀食晚飯,鍾情日式餐廳的我,今晚來到尖沙咀的一喜日式料理。餐廳佈置甚具和風格局,櫥窗擺設、牆身壁畫、木牌、日式清酒,洋溢和式氣氛。豆腐野菜沙律 $78前菜揀咗豆腐野菜沙律,新鮮野菜份量十足,豆腐滑不溜口,加埋木魚碎蓋面,配上日式胡麻醬,清新開胃。雜錦天婦羅 $88天婦羅麵衣厚薄適中,炸得非常脆口,可食到南瓜、茄子、香菇及大蝦的鮮甜味,配上少量嘅蘿蔔蓉,亦有助減低油膩感。雞軟骨串 $28、雞腎串 $28、日本青椒串燒$28 串燒揀咗鹽燒雞腎及雞軟骨,燒得啱啱好,唔會太乾身,食落亦有咬口。值得一提係青椒串燒,配上特別調製嘅醬汁,中間甜甜的和軟綿綿口感一流。必食刺身拼盤 — 松 (8種盛合せ) $538大愛日本料理的其中一個原因係日本菜賣相永遠無得輸。拼盤非常精緻,屬高質食材而且份量十足!拼盤有帆立貝、三文魚、鮪魚、劍魚腩、油甘魚、北寄貝、八爪魚及甜蝦。魚類刺身肥美肉厚,油脂分佈均勻。 當中帆立貝刺身,柱頭肉厚身圓大,鮮甜而柔軟,絕對值得推薦。海鮮紙火鍋 $108色彩繽紛的海鮮紙火鍋入面有鮮蝦、魷魚、青口、豆腐、金菇及冬菇作配料,仲有粉絲吸收清甜嘅湯底,好豐富! 繼續閱讀
(以上食評乃用戶個人意見 , 並不代表OpenRice之觀點。)
等級4 2018-07-24
737 瀏覽
Girl talk 要搵好坐又就腳,必定係地鐵站附近。尖沙咀嘅一喜係我嘅飯堂,因為次次嚟,次次都得,個個朋友都話好介紹日本菜好味又唔肥,最啱女士們。下雨天嘅晚上,坐着靠窗邊的座位特別浪漫,平日人多客滿,未曾坐過這位置,今天才發現原來corner位係咁詩情畫意。喝過熱茶,我的女朋友指定要吃海膽,其他的任我主意,我也懶得去想,只向店員道出buget ,著她幫我設計。原來在冇餐單的情況下,等侯上菜會很好奇的,事關廚房幫你發辦,必定係是日精選,加上不用花時間去打點吃什麼,傾計就更加專心,坐下就是等吃,真的好幸福啊。這個姬綢刺身,美得像一個工藝品,日本食物吸引之處就是對食材嘅嚴謹,除了新鮮還要講求擺碟、衛生,看著這盆刺身,你完全會感受到廚師嘅態度,每件刺身排放極具誠意,一板海膽並排,甚有睇頭每片刺身都晶瑩通透,厚薄一致,全因廚師嘅刀功了得,一雙巧手切割得宜,令刺身入口更見爽脆。金黃嘅海膽,色澤有如咸蛋黃,入口鮮甜味美,甘香幼滑,伴入紫菜壽司飯同吃,啖啖都是享受吃過刺身,廚師為我們安排一道清酒煮蜆,熱騰騰嘅蜆湯,經過烹煮只有酒香卻沒有酒精,蜆肉幼嫩鮮甜,蜆湯清新暖胃日式芝士年糕唔需要多介紹,不過也要讚賞炸物嘅水準,食物紙上沒半點油膩,香脆的表層證明油溫控制得宜。壓軸登場的還有這份鵝肝多士,鵝肝足有半吋厚,微焦嘅表面完全煎封了鵝肝嘅內層,輕咬一口,鵝肝嘅甘香破壁而出,輭綿綿嘅質感入口滑嘟嘟,獨特嘅油脂滿佈口腔,脆口嘅多士會帶領你再三咀嚼,呢一刻我倆都暫停了對話,只因好味得無話可說。居酒屋嘅情懷,輕鬆寫意,高質嘅食物令人回味,好滿足的一頓晚宴,往後一定會常在一喜 繼續閱讀
(以上食評乃用戶個人意見 , 並不代表OpenRice之觀點。)