一喜日本料理

Ikki Japanese Restaurant
31
1
3
港鐵尖沙咀/尖東站 N2 出口, 步行約3分鐘 繼續閱讀
電話號碼
27884779
營業時間
今日營業
12:00 - 15:00
18:00 - 23:00
星期一至二
12:00 - 15:00
18:00 - 23:00
星期三
全日休息
星期四至日
12:00 - 15:00
18:00 - 23:00
付款方式
Visa Master 現金 銀聯
其他資料
網上訂座
酒精飲品
電話訂座
賞訂座積分
前往餐廳網站
https://www.facebook.com/Ikkijapanesefood/?fref=ts
有關餐廳
親切滋味:一起享受【一喜和牛祭】
一喜再獻新猷,隆重推出「一喜和牛祭」主題,特別為一眾牛魔王嚴選來自日本的頂級A5牛肉 -無論以刺身、燒物、煎炒食法都香味十足,務求令客人留下滿足的美味回憶。

有關獎賞計劃
食評 (38)
一起食一喜 焦點食評
等級4 2018-02-21
48 瀏覽
因為我想食日本野好耐, 所以老公帶左我去間新餐廳食日本野我地去到開頭到無乜位, 侍應安排我地坐BAR 枱我見到幾樽自家浸既梅酒, 引到我想叫返杯可惜侍應話D梅酒未ready, 所以無得叫之後出面四人枱有人埋單, 侍應就安排我地坐返出去啦除左刺身壽司外, 燒物揚物串燒, 飯麵鍋物等, 咁多選擇, 一定啱我食由於我地想食多D 魚生壽司, 我地諗緊要松之刺身拼盤定係精選壽司拼盤我地計過壽司拼盤有18件, 而刺身拼盤有8款, 差唔多有30片/件所以最後要左貴少少但都好豐富既松之刺身拼盤每款都非常新鮮甜美,  無雪味, 帆立貝最鮮味, 有2粒, 分成4件三文魚, 劍魚腩, 油甘魚, 吞拿魚 件件厚切, 好抵食芝麻雞翼, 炸得好香脆, 加上粒粒芝麻, 咬落去雞翼有少少唧汁, 好juicy廣島蠔天婦羅, 炸粉好薄, 透透地見到蠔身黎到時, 見到6隻廣島蠔都幾有驚喜, 每隻都好大隻, 蠔身飽滿肥美價錢仲平過我係日本食過既廣島蠔 (500YEN/2隻) 由於啱啱炸起, 侍應提醒我地要小心食, D蠔係好熱蠔的鮮甜加上香脆的口感, 特別滋味吉列豬扒同手打烏冬係分開上吉到豬扒炸粉幾薄, 炸得香脆, 可惜豬扒太瘦, 肉質較鞋烏冬軟硬適中, 烏冬質感滑溜地獄湯底, 辣度適中, 唔係恐怖個種辣京都醬油牛肉鍋, 賣相幾吸引, 叫呢個係因為好多人介紹, 見隔離枱都食緊牛肉份量好多, 侍應將爐點火後, 等個鍋慢慢滾牛肉肉味不止濃郁, 加上蛋汁, 口感更滑溜除左牛肉, 鍋入面仲有好多雜菜, 粉絲, 真係驚你唔飽呀雖然我地飲唔到梅酒, 但侍應都不停幫我地加茶呢晚侍應好似得兩位, 但服務都好周到 繼續閱讀
(以上食評乃用戶個人意見 , 並不代表OpenRice之觀點。)
刺身非常鮮美 焦點食評
等級4 2018-02-19
91 瀏覽
每次老公問我想食咩,我都覺得好難諗,或者係好懶諗,不過只要他一提議食日本菜,就一定不會錯。同佢一齊食飯是我每天最享受的時間,所以佢這次帶我來到這家日式餐館,店名真係好有意思。這裡的環境是和風式設計,最令我有深刻印象的是牆上的錦鯉田,立體的栩栩如生。職員遞上餐牌,以及介紹枱面上這幾塊木牌,就是寫上是日新鮮空運海鮮。他點了一杯凍的 巨峰提子梳打,大大杯而冰又算多,飲落甜甜地。燒味淋雞泡魚乾外面有少少乾,咬落暖暖地很有厚度而且好 juicy。鹽燒秋刀魚長身的秋刀魚,外面帶點微焦,食落好香口,一夾地魚肉放入口,感覺肉地香滑。串燒我們點了 雞軟骨串 和 海蝦串,兩串都係熱辣辣,雞軟骨咬落卜卜脆,而海蝦就啖啖肉非常彈牙。刺身拼盤 (松)這個刺身拼盤確實款式多多,有帆立貝、三文魚、鮪魚、八爪魚、劍魚腩、北寄貝、油甘魚和甜蝦。每款都係食得出非常新鮮甜美,尤其是甜蝦、八爪魚和三文魚,加上師傅巧妙的刀工,是感受到師傳對新鮮食材的要求。蟹籽海鮮炒飯這個炒飯配上多款海鮮,然後鋪上大量的蟹籽。炒飯粒粒分明,香得來又唔濕,加上蟹籽一齊食,增加不少咬口。本來最後想食個甜品,不過呢度係無的,所以多點兩杯熱飲 = 檸檬柚子蜜 和 富士蘋果蜜 作結,如果下次再來可以有甜品就好啦~ 繼續閱讀
(以上食評乃用戶個人意見 , 並不代表OpenRice之觀點。)
等級4 2018-02-08
162 瀏覽
朋友提議去這間位於尖沙咀寶勒巷的"一喜日本料理"細細間佈置優雅整潔,我們那天只有一個服務生,但非常值得嘉許雖然只有她一個人,但非常勤快快手,落order,添茶絕冇停手而且滿面笑容,老闆請着她實在幸福👍🏻😊龍蝦沙律$128大大一球的龍蝦沙律,每一口都充滿龍蝦肉鮮味無窮,再配上他們特製的酸酸甜甜沙律汁非常醒胃👏🏻深海池魚 $388薄片切鋪滿十幾塊在碟上,晶凝通透口感較嫩滑,魚味清爽不油膩,Wasabi人手磨製味道原始不搶口,誠意十足!牛舌串$48牛舌非常厚身,外層燒得香噴噴個芯還有少少粉紅色口感爽口彈牙,牛味極濃,這價錢有如此水準,令人滿意。芝士大蝦卷$98芝士大蝦卷即叫即做,原隻新鮮蝦放入卷中,不但賣相吸引,而且非常足料連蝦頭都炸得很酥脆可以食曬㗎😆左口魚邊壽司兩件$40左口魚邊經微微火炙後,油份滲出,油香更突出,感覺更油潤。現做特價,非常抵食不容錯過😋😋正宗京都醬油牛肉鍋 $148份量不少的牛肉撈在半生熟的蛋汁上更滑溜,甜絲絲的湯底令蔬菜和日本粉絲更入味 繼續閱讀
(以上食評乃用戶個人意見 , 並不代表OpenRice之觀點。)
等級4 2018-02-06
132 瀏覽
不經不覺同老婆已經踏入10週年,為左慶祝呢個咁重要日子,我地訂左同事大力推介嘅一喜來慶祝我地一起10週年。👫我地收工係K11集合,行過去位於寶勒巷嘅一喜日本料理非常近,我地7點未到已經到餐廳,由於未到晚市繁忙時間,所以客人都未係好多。餐廳裝修以木色為主,擺放有多幅令人感覺舒服自然嘅掛畫,而且座位寬闊,環境非常舒適。😙同事係常客,佢推介我地來一定要食A5和牛同空運海鮮,可惜我老婆唔食牛,唯有約下次同老友佢地來先食啦。一喜將每日空運海鮮寫係木牌上面,我地係當中挑左老婆都鍾意食嘅活赤貝刺身,另外點左一客沙律、一份卷物、一個細嘅豚肉鍋同幾款燒物,一於食餐好嘅。😁蟹子沙律 $68蟹子沙律份量比我地預期都多,沙律汁唔多,青瓜絲新鮮,配上蟹子,口感非常爽脆。活赤貝刺身 $68今日四款空運海鮮入面,唔好刺身嘅老婆只鍾意食活赤貝,呢個活赤貝雖然只售$68,不過都好大隻,爽口又鮮甜,沾上少少山葵同豉油,非常惹味。😋油甘魚腩海膽卷 $138油甘魚腩海膽卷上枱時我地都嚇左一跳,原本諗住用油甘魚腩同海膽呢D比較貴價嘅食材做卷物, $138應該大概有3至4件,估唔到一份居然有8件! 油甘魚腩油脂豐富,加上香濃嘅海膽,整件放入口,鮮味係口腔爆發,非常美味,不過食完呢個已經半飽,我地開始擔心會食唔哂。🙈銀鱈魚西京燒 $158今晚老婆最鍾意就係呢個銀鱈魚西京燒,鱈魚好鮮甜魚油豐富,連魚皮都好香好脆,而且大大件,老婆食得好滿足。😊香草燒羊鞍扒 $118羊鞍扒羊味濃郁,肉質鮮嫩多汁,而且唔會過熟,好惹味。鹽燒日本廣島蠔串 $38$38一份廣島蠔串有3隻好抵食,燒廣島蠔外層帶有微微焦香,廣島蠔肉質富有彈性而且多汁,老婆主動食左兩件。😳炸軟殼蟹天婦羅 $78今晚呢個炸軟殼蟹天婦羅比較失色,雖然份量都唔少而且都夠香脆,不過炸粉比較厚身。鹿兒島黑豚肉鍋(細) $148細嘅黑豚肉鍋原來都好大鍋,鹿兒島黑豚肉肉質富有彈性而且豚肉味道特別濃,配上蔬菜煮的鍋物,湯底好鮮甜。抹茶紅豆 $32老婆一直都好喜歡抹茶/綠茶做嘅甜品或飲品,呢個抹茶紅豆唔會太甜,紅豆大大粒,好啱佢口味。富士蘋果蜜 $38蘋果蜜味道自然而且唔會太甜太濃,味道唔錯。由於冇預計到呢度食物嘅份量係咁大份,今晚我地實在點得太多,最後我地要慢慢食,食左個多小時先食得完。叫左咁多野埋單都唔駛$1000,性價比唔錯。👍 繼續閱讀
(以上食評乃用戶個人意見 , 並不代表OpenRice之觀點。)
好友最近生日,佢話想食日本野,於是book 間好d 既餐廳同佢一齊慶祝!我地黎左尖沙咀間一喜日本料理~一黎就叫左個極上的壽司拼盤$598,有我地大家都中意既海膽、三文魚籽同特丹蝦壽司!等左around 15分鐘, 終於都黎, 個賣相真係好ok, 一d都唔hea !!! 影相可呃like haha =]食落件件都新鮮, 特別係三文魚籽, 粒粒都晶瑩通透, 而香葱鮪魚腩小卷、海膽都好有水準. 之後叫左個鍋燒烏冬,入面有好多菜、菇、溫泉蛋,另上天婦羅同炸雞,食落口感豐富,而烏冬都好爽口彈牙。最後再叫左幾串串燒,有雞翼、雞軟骨、雞腎、帶子、廣島蠔,overall 都燒得好好,唔會太咸又唔會無味,唔錯!朋友都好滿意今晚餐飯,食得好開心!        繼續閱讀
(以上食評乃用戶個人意見 , 並不代表OpenRice之觀點。)