影片
更多
2024-04-13
94 瀏覽
餐廳：Nissa la Bella (上環)地址：上環差館上街10-14號地舖呢排開始為嚟緊大假嘅意大利/法國之旅搜集資料✈️，每次都會俾網上啲法國大餐深深吸引，繼而搵到上環呢間法式酒館餐廳——Nissa la Bella ，決定未出發先止癮😝，先試吓香港嘅法國餐喺點，等去到嗰邊可以做個對比🆚。未入餐廳已經見到半開放式同室內兩個唔同風格嘅用餐區🍽️，酒紅色系嘅裝潢同七八十年代法國舊黑白相營造優雅浪漫嘅氣氛，帶埋另一半黎最適合不過💕餐廳由前米芝蓮餐廳大廚嘅Cyril Dieumegard主理👨🏻🍳，佢希望將世界各地嘅食材融入新𩓙嘅法國菜，將美食同美酒結合，帶嚟變化多端嘅正宗法國餐體驗🇫🇷，而且呢到比起坊間嘅Fine Dining平一大截，俾你用親民嘅價錢享受到充滿法國情懷嘅美食😎✝️Pissaladière $128賣相近似多士嘅Pissaladière喺法國尼斯嘅特色小食之一🍞，自家製嘅佛卡夏外脆內軟，充滿義式香草同橄欖油嘅香氣🌿，面頭鋪滿炒至焦糖化嘅洋蔥絲同鹹香鯷魚，帶嚟多重享受😋✝️Haricots verts sautes $88唔知喺咪因為無晒四季豆所以轉咗青豆，清脆嘅青豆同洋蔥碎配
地址：上環差館上街10-14號地舖
呢排開始為嚟緊大假嘅意大利/法國之旅搜集資料✈️，每次都會俾網上啲法國大餐深深吸引，繼而搵到上環呢間法式酒館餐廳——Nissa la Bella ，決定未出發先止癮😝，先試吓香港嘅法國餐喺點，等去到嗰邊可以做個對比🆚。
未入餐廳已經見到半開放式同室內兩個唔同風格嘅用餐區🍽️，酒紅色系嘅裝潢同七八十年代法國舊黑白相營造優雅浪漫嘅氣氛，帶埋另一半黎最適合不過💕
餐廳由前米芝蓮餐廳大廚嘅Cyril Dieumegard主理👨🏻🍳，佢希望將世界各地嘅食材融入新𩓙嘅法國菜，將美食同美酒結合，帶嚟變化多端嘅正宗法國餐體驗🇫🇷，而且呢到比起坊間嘅Fine Dining平一大截，俾你用親民嘅價錢享受到充滿法國情懷嘅美食😎
✝️Pissaladière $128
賣相近似多士嘅Pissaladière喺法國尼斯嘅特色小食之一🍞，自家製嘅佛卡夏外脆內軟，充滿義式香草同橄欖油嘅香氣🌿，
面頭鋪滿炒至焦糖化嘅洋蔥絲同鹹香鯷魚，帶嚟多重享受😋
✝️Haricots verts sautes $88
唔知喺咪因為無晒四季豆所以轉咗青豆，清脆嘅青豆同洋蔥碎配以法式醬汁調味食落清新開胃，酸酸甜甜嘅蕃茄癖除草青味🥗，
上面嘅半熟蛋一切就湧出濃稠嘅蛋黃汁，撈埋一齊食層次感更豐富🍳
✝️Carpaccio de thon $138
將刺身級嘅鮪魚carpaccio浸泡喺阿根廷醬油中令質感變得細膩潤滑，即使喺薄薄一片都食得出魚油嘅甘香🐟，
配上香菜醬、青檸、炸水瓜子同辣椒粉突顯魚肉鮮味，捲埋一齊食味道酸中帶辣，惹味可口🌶️ 
✝️Joue de boeuf confite au vin rouge $268
遍佈細微筋絡嘅牛面頰經過長時間慢煮後肉質鬆化幼嫩，軟糯嘅骨膠原入口即溶🤤，濃稠嘅紅酒汁滲入一絲絲嘅牛頰肉，
以濃醇嘅酒香襯托鮮肉汁嘅甜香🥩，另外有爽脆嘅紅胡蘿蔔同質感幼滑如絲嘅馬鈴薯泥，伴隨牛油同醬汁嘅鹹香大大減低咗肥膩感👍🏽
✝️Pavlova aux fruits de saison $108
Pavlova以蛋白霜為基底，用低溫烘烤至酥脆輕盈，食落先香脆再好似棉花糖咁喺嘴入面慢慢化開👅，芳香嘅甘甜味同雜莓果醬嘅酸甜互相交雜🫐，加以鮮奶油同雲呢拿雪糕點綴，增添綿密濕潤嘅口感😙
張貼
