影片
更多
2017-11-16
1417 瀏覽
鮨文，一直都耳聞於朋友之間的元朗日本料理店。今次趁住新工終於出左糧就決定好好犒賞一下自己，同時慶祝自己揾到份鐘意嘅工作。金箔松葉蟹茶碗蒸。簡單的和風蒸蛋配上松葉蟹肉／元貝／銀杏／鴻喜菇等，再以金箔點綴加添貴氣。入口蛋香嫩滑之餘，蟹肉及元貝增加鮮味及口感。以為係一道清淡嘅前菜，但味道十分濃郁令胃口大開。 鱈魚白子。即係鱈魚的精巢，係日本人秋冬補身佳品而且呢段時間：１０月尾至３月係白子最肥美嘅時候，所以師傅都入貨帶俾顧客品嚐，正所謂不時不食嘛。白子入口柔滑豐腴，配上微酸柚子醬醋沒半點腥味之餘反而有點奶滑香。師傅仲話女士食左滋陰養顏，男士食左…嘻嘻。 鰤魚。即係大家平時聽開嘅油甘魚，師傅話因為野生鰤魚係產卵季節會回游返出生地生產，所以活動量好大魚肉會比養殖嘅更呈現偏紅色。 魚腩位經過炭火網燒，油脂嘅焦香味突出。師傅話加上少量山葵除左可以提鮮之外亦可以令魚脂食起上黎無咁膩。果真入口魚脂得以緩和，炭香味明顯。 背肌位掃上柚子醬油，味道比起山葵温和清爽。食落軟腍中帶韌度仔細咀嚼下油脂以及魚肉嘅香甜味慢慢滲出，帶出同腩位兩種唔同嘅感覺。師傅話為左保持新鮮，所有食材都由日本直送並會按照時令及當造食材入
金箔松葉蟹茶碗蒸。簡單的和風蒸蛋配上松葉蟹肉／元貝／銀杏／鴻喜菇等，再以金箔點綴加添貴氣。入口蛋香嫩滑之餘，蟹肉及元貝增加鮮味及口感。以為係一道清淡嘅前菜，但味道十分濃郁令胃口大開。
鱈魚白子。即係鱈魚的精巢，係日本人秋冬補身佳品而且呢段時間：１０月尾至３月係白子最肥美嘅時候，所以師傅都入貨帶俾顧客品嚐，正所謂不時不食嘛。白子入口柔滑豐腴，配上微酸柚子醬醋沒半點腥味之餘反而有點奶滑香。師傅仲話女士食左滋陰養顏，男士食左…嘻嘻。
鰤魚。即係大家平時聽開嘅油甘魚，師傅話因為野生鰤魚係產卵季節會回游返出生地生產，所以活動量好大魚肉會比養殖嘅更呈現偏紅色。
魚腩位經過炭火網燒，油脂嘅焦香味突出。師傅話加上少量山葵除左可以提鮮之外亦可以令魚脂食起上黎無咁膩。果真入口魚脂得以緩和，炭香味明顯。
背肌位掃上柚子醬油，味道比起山葵温和清爽。食落軟腍中帶韌度仔細咀嚼下油脂以及魚肉嘅香甜味慢慢滲出，帶出同腩位兩種唔同嘅感覺。師傅話為左保持新鮮，所有食材都由日本直送並會按照時令及當造食材入貨，所以今日食完過下期未必會食得返。其實咁樣仲可以帶俾顧客新鮮感添。
接着係大分產嘅關池。因為魚隻係湍急水流中成長，肌肉結實彈牙。而銀色嘅魚皮表示呢種顏色嘅魚通常魚味較濃，以薑茸／芽蔥食就最啱，一來可以中和魚腥味，二來帶出魚身爽脆及甘香的味道。
北海道帆立貝配海膽。鮮甜綿滑嘅海膽加上剛剛炸起十分燙手嘅帆立貝，係口腔內形成一冷一熱嘅鮮明落差。中間再摻雜着丸山海苔嘅咸脆味道，層次味道令人欲罷不能。
毛蟹。新鮮到港嘅毛蟹細心拆肉後再淋上蟹膏醬。入口肉質纖細，蟹味鮮甜，混和濃郁蟹黃一口已等同食左成隻蟹落肚。食完原味可沾一點旁邊嘅柚子醋，提鮮之餘又可減輕蟹黃嘅濃烈，令甘菊嘅幽香得到發揮。
中拖羅，肉質嫩滑、無筋嘅魚片入口先甜後香，輕掃醬油調味，可以食真一點鮪魚嘅味道外，仍留有一點肉地口感咀嚼。
大拖羅。呢一啖真係完美呈現何謂入口即溶，師傅先以火槍炙燒其中一面，令油脂魚筋溶化並將魚肉升温，及抺上山葵並以紫蘇及海苔包裹。
一把入口，未咬魚肉已經溶掉了，焦香油脂嘅甘腴味道充斥整個口腔，只留下少少焦脆肉未及滋味嘅餘韻。
香煎銀鱈魚。師傅話係以BB銀鱈魚做成，所以肉質更嫩滑。配上以鮮海膽及忌廉所做嘅自家製醬汁，惹味非常。鱈魚本身係皮下脂肪重嘅魚類，所以佢嘅魚皮亦不可錯過，集骨膠原及魚油於一身。配上醬汁可以媲美魚肉嘅香滑。
黑陸魚及鰝鰺手握壽司。兩者均屬深海魚，骨膠原豐富所以食落肉質軟腍中帶點咬口。前者配上鮮海苔提味，後者掃上醬油，簡單配搭突顯魚味，相得益彰。
邊食邊欣賞師傅準備下一道菜式的過程，亦係OMAKASE嘅一大享受。
竹籤魚壽司先炙燒一下魚皮，再配上黑松露。增加煙韌口感嘅同時香氣亦得到提升。而牡丹蝦壽司配上蝦腦及蝦子，吊出蝦肉鮮味，食落黏口甜滑。師傅話海水要夠凍蝦子先會咁碧綠，同埋肉質先夠緊緻。
北海道蝦夷鮑。清淡軟腍嘅酒蒸鮑配上旁邊以鮑魚肝做成嘅醬汁，一口一粒十分滋味。
師傅更搓上一粒飯團，將肝醬一掃而空不造成半點浪費。因為肝醬實在太香濃惹味，感覺上它才是這道菜嘅主角。
三文魚子軍艦。魚子晶瑩剔透，粒粒飽滿不帶半點腥味。在口腔清脆爆開後清甜魚油及酒香一湧而出，真係十分邪惡！ 之後就係呢度嘅──招牌海膽杯。
師傅一奉上接近滿瀉嘅海膽杯已經眼前一亮，海膽色澤鮮橙亮麗，入口綿滑甘甜，奶滑口感真係齒頰留香。食完幾口再挖一口醋飯再食又有一番滋味體會。口中每一啖都十分滿足，真係膽固醇超標都無有怕。
食完海膽杯已經夠飽了，但見師傅個吞拿魚蓉手卷咁吸引，即時滿血復活。手卷入口魚香及油香四溢，當中嘅蔥碎及紫菜增添不少香氣及減膩。成卷食晒都無問題。
最後送上一碗熱薑蔥魚湯，味道清淡温和。啱晒食完一輪生冷刺身後讓胃部得到舒緩亦同時驅寒。
飯後甜品係赤肉蜜瓜。噴上薄薄一層威士忌，入口香甜消滯。為豐盛嘅一餐劃上完美句號。雖然今餐價錢偏貴，但食材質素／味道嘅性價比絕對超值。加上同師傅嘅互動交流，了解食材或師傅背後嘅故事，所以話OMAKASE唔單單只係食一餐飯咁簡單。
而且有時候就係要揾藉口放縱一下自己，呢度係一個唔錯選擇。
張貼
