其匠燒

營業中

休息中

講起尖沙咀打邊爐，「其匠燒」個手打墨魚滑真係無得輸！今次專程為咗佢哋個 「紫蘇蟹籽墨魚滑」 翻兜，食完直頭想encore多份啊喂～一上枱就知有料到！墨魚滑搓到脹卜卜，粉紫色嘅紫蘇葉碎混入去，未食已經聞到陣陣清香。最過癮係面頭鋪滿 成pat橙紅色蟹籽，多到幾乎睇唔到下面嘅肉，老闆真係唔怕蝕本㗎？落鍋煮完一啖咬落去——嘩！三重口感大爆炸！墨魚滑超彈牙，仲食到粒粒墨魚肉，鮮味十足唔會粉淋淋；蟹籽瘋狂卜卜脆，每啖都好似食緊「爆炸糖」咁過癮；紫蘇葉殺出嚟吊味！淡淡草本香解咗海鮮嘅膩，成件事即刻高級晒～老實講，紫蘇同海鮮真係神隊友！平時墨魚滑食兩舊就滯，但加咗紫蘇之後成碟清晒都仲想食 蟹籽嘅鹹鮮仲將墨魚嘅甜味逼出嚟，個配搭 邪惡得嚟又好有心思，絕對係驚喜之作！呢款屬中上價但真係值！尖沙咀地段加咁足料，兩個人share一份再加其他配料就夠晒滿足。總結：必點神級配料！如果你去其匠燒淨係叫普通墨魚滑就走寶啦！紫蘇+蟹籽呢個組合 吊打唔少高級火鍋店，食過返唔到轉頭～ 順帶一提，佢哋個手切牛同蜂巢豆腐都正，但墨魚滑真係 王者級推介 紫蘇味唔係個個接受到，怕草本味嘅可能試原味蟹籽墨魚滑先