影片
更多
2018-05-28
78 瀏覽
Weekend 經過呢度通常都要排隊，今日咁啱weekday 出嚟，又見到唔洗排隊，所以決定食呢間新派韓國菜!其實呢排要減肥少左食肉，睇到menu有好多素食，賣相又好吸引咁，所以懶健康咁叫左好多素食😁。呢個羽衣甘藍煎餅，明顯地與相片不符🤦🏼♀️，但睇過其他食評d相明明唔係咁既樣，唔通廚師失左手？唔通唔夠羽衣甘藍？個餅好油，味道有d酸，未食過羽衣甘藍，唔知係咪本身係咁呢？韓式素炸雞以豆腐卜包住麵筋，加左韓式辣醬，有d似臭豆腐，味道唔錯，不過有d硬。一打開餐牌就俾呢個素芝士南瓜甘荀熔岩包吸引住，雖然每日限量10份，但竟然仲有! 落單時侍應話今日無冰菜，會用其他野代替，點知又係素炸雞🤦🏼♀️ 除左素炸雞，仲有翠肉瓜、年糕、雞脾菇同百頁豆腐，其實呢堆炸物好油，除左南瓜蓉，無任何醬汁，差唔多乾啃兼無味，不過翠肉瓜係好juicy，沾左南瓜蓉既麵包好好味。麻藥薯條，麻藥即係芝士粉，無乜特別，薯條炸得有d硬、唔脆。食左咁多炸野，梗係要飲d冰凍飲品降降溫! 呢個仙人掌果酒，侍應喺落單戈陣話今日無爆炸糖，咁唔緊要啦，照飲! 上枱時侍應先倒乾冰，營造冷霧效果，味道酸酸甜甜咁，有d似果茶因爲唔覺有酒味，不過唔
其實呢排要減肥少左食肉，睇到menu有好多素食，賣相又好吸引咁，所以懶健康咁叫左好多素食😁。
呢個羽衣甘藍煎餅，明顯地與相片不符🤦🏼♀️，但睇過其他食評d相明明唔係咁既樣，唔通廚師失左手？唔通唔夠羽衣甘藍？個餅好油，味道有d酸，未食過羽衣甘藍，唔知係咪本身係咁呢？
韓式素炸雞以豆腐卜包住麵筋，加左韓式辣醬，有d似臭豆腐，味道唔錯，不過有d硬。
一打開餐牌就俾呢個素芝士南瓜甘荀熔岩包吸引住，雖然每日限量10份，但竟然仲有! 落單時侍應話今日無冰菜，會用其他野代替，點知又係素炸雞🤦🏼♀️ 除左素炸雞，仲有翠肉瓜、年糕、雞脾菇同百頁豆腐，其實呢堆炸物好油，除左南瓜蓉，無任何醬汁，差唔多乾啃兼無味，不過翠肉瓜係好juicy，沾左南瓜蓉既麵包好好味。
麻藥薯條，麻藥即係芝士粉，無乜特別，薯條炸得有d硬、唔脆。
食左咁多炸野，梗係要飲d冰凍飲品降降溫! 呢個仙人掌果酒，侍應喺落單戈陣話今日無爆炸糖，咁唔緊要啦，照飲! 上枱時侍應先倒乾冰，營造冷霧效果，味道酸酸甜甜咁，有d似果茶因爲唔覺有酒味，不過唔錯!
其實仲點左健營藜麥沙律，但張相無左🤦🏼♀️，無醬汁既沙律有d似乾啃，好彩d菜夠新鮮，而一齊上枱既仲有疑似橄欖油一小兜，無味的，所以只可以靠幾舊芒果、牛油果吊番少少味，超健康!
原來如果星期三黎就有素食放題，每位都係$198加一，今日係星期四，miss左! 😑
張貼
