The BASE nature (已結業)

平日放假約左朋友行荃灣，下午茶時間見到呢間The BASE Nature幾乎滿座，望下餐牌都有唔少選擇，一於兩個人歎返個下午茶。慢煮日本南國元氣雞胸有機沙律配菜勁豐富，有齊藜麥、巴馬芝士、牛油法包多士，再淋上芥末籽沙律汁。成個配搭都好夾，食落口感層次多元，藜麥有豐富膳食纖維，微甜堅韌有咬口，慢煮雞胸肉特別嫩滑多汁，完全唔粗嚡!牛油法包多士金黃香脆，烘得剛剛好。芥末籽沙律汁清新又開胃，好FRESH!未來芝士素食漢堡 同好友SHARE個漢堡一齊食，伴碟有即叫即辣熱辣辣既薯格，鬆脆金黃，咬落去口感外脆內軟。漢堡配料有大啡菇、烤蕃茄同牛油果，大啡菇清爽多汁，好有菌香，蕃茄酸酸甜甜好開胃，牛油果好柔滑。