日常素食 (已結業)

是日好日，跟前輩去了黃大仙參拜，之後當然要搵地方食一食齋，洗滌一吓心靈，以前在黃大仙中心都有食開齋，不過唔知係咪近幾年新裝修過，大部分店舖都變了，所以跟前輩找查下見到這間有素食自助餐，見時間許可(限食75分鐘)，價錢都可以，就入咗去試吓。唔知道午市同晚市嘅素食款式是否一樣，因為選擇都幾多，而且不是凍冰冰，味道都拍得住外面其他的素店，第一眼望落有點似回到國內食團餐嘅感覺，但攞食物時都見到服務員在旁邊協助同提示，地方都好乾淨，沒有污糟感覺，可能老人家和街坊偏多，見到服務員都同啲食客有講有笑，算係幾有人情味嘅一間食店。