功德林上海素食 (世貿中心) (已結業)

今日十五，特登同朋友去食素，去左功德林，聽說在香港已屹立三十年。餐牌上的素菜選擇很多，有幾十頁紙，湯品，蒸，炒，煮，炸，甜品，果汁都有，左睇右睇，決定點個四人套餐（$888），咩都有哂唔使諗。餐具很清潔，茶要了普洱，茶味一般偏淡，茶位（$15）。坐低會送上小食（$12），是日係炸菜花生，四位送了兩碟小食，有點太多了，食不完。竹笙三絲魚翅盅竹笙爽口，但調味偏甜，有點怪怪的。五福臨門小併盤個人覺得麻醬粉皮最正，豆腐亦很滑，其他都ok。菠蘿咕嚕肉酸酸甜甜個汁好正，咕嚕肉用菇做，爽口又有啲肉嘅感覺，好味。花菇素雞栗子煲粟子炆得軟腍，素雞爽口，個汁調得好味。蟹粉扒翡翠苗菜苗爽口，蟹粉汁用薯蓉做，但個汁怪怪地。油雞菌雜錦煲仔飯辣辣地幾惹味，飯焦香脆，加上甜豉油正。加埋豉油兜亂勁好味。原桶豆腐花豆味好濃，又香又滑，加桂花糖又幾夾喎，雖然個人喜歡黃糖多一點。滑滑的豆花～有點不夠甜再追加一個高力豆沙（$68），做得軟綿香滑，甜而不膩，好正喎，上枱時做係熱辣辣㗎。環境不錯，店員收碟勤快，菜一道一道的上，放下時亦有禮貌，中菜鮮有的上菜規勸呢。