走肉‧朋友 (已結業)

平時夜晚路過都會見到有人排隊，所以好想去試下。今日我地差唔多兩點先到，等一陣就有位，可能三點鐘落場，部分食物無補給，但整體味道黎講都好滿意。如果唔放低平時食自助餐大魚大肉嘅想法去評價，會唔公平。固我地抱住食得飽嘅心態入場，不負所望食得好飽。其實選擇唔算少，係食物量供應唔太多，亦因爲咁食到中途有新野可以食，如蕃茄蛋無左轉炒四季豆。口水雞- 麻辣味好吸引炸三寶- 炸得好香好脆炒意粉- 好有炒三色椒嘅香味炸饅頭- 鬆軟，煉奶偏小菠蘿- 新鮮，唔係罐頭是日野飲- 夏枯草同綠茶雜菜沙律卷- 卷得好規，有心思油炸鬼- 唔脆，加煉奶怪怪地涼拌青瓜- 偏咸蕃薯雪糕- 蕃薯蓉造唔係雪糕，無曬無緣份試星期日午餐$78 唔洗加一，是合理。餐廳採用自己收拾碗碟係好事夠環保，等客人唔會不停換新碟。只希望倒廚餘嘅垃圾桶可以大點乾淨點。