緣來素食 (已結業)

金銀炒飯啲蛋炒得好滑，素蝦，粟米，蘿蔔粒材料簡單，不過令炒飯變得唔單調，兼好有穫氣，飯粒粒分明。開胃之選菠蘿咕嚕鱔，微酸帶甜既鱔(猴頭菇)非常香脆，而且又唔會粉，8分似咕嚕鱔。另外除左有菠蘿之外，仲有蘋果，紅椒，青椒，黃椒色彩繽紛。呢個素牛肉羹味道清甜，主要用左猴頭菇仿牛肉質感，而且毫無肉脂肪，最岩keep fit但想過下口癮既人飲😌仲有豆腐軟滑，湯咪適中唔會鹹。其中一款心得我心既素食小食芝麻手撕雞~點解我欣賞? 因為無論口感定視覺上都激似手撕雞，素雞撕成絲狀，非常仔細，外型已經可以以假亂真。榨菜，芝麻mix埋素雞後更加「入型入格」，調出手撕雞味道，又唔會咸，清清地，符合齋既要求。八珍豆腐用料豐富，素蝦爽滑，雜菌蘑菇香鮮白菜甜美，素食應有盡有。重要既係豆腐軟嫩入口即溶，豆腐表面金黃色既皮吸收滾燙既醬汁，香味十足。素蝦啖啖「肉」，加埋新鮮白菜同可口雜菌，送飯簡直一流。啫啫通菜唔油膩，而且嫩綠可口富香氣，又一款簡潔味美既好素菜。