影片
更多
2017-05-11
165 瀏覽
餅餅去試新素食menu！YEAH！今次餅餅係同家姐去，家姐係第一次去呀，佢都係素食者。今次係食lunch，因為早咗去，所以響門口影咗幾張相，發現到一張小告示，原來佢哋有聘請聽障朋友工作，餅餅喜歡良心企業，讚讚讚呀！另外要讚嘅係Menu，如果餅餅無記錯，上次佢只分素食，但今次有改進，係分純素 (葉葉圖示)、蛋奶素 (奶瓶同蛋圖示)、五辛素 (蒜頭圖示)，分劃得更精細。佢哋煮素食係會用專屬素食廚具，餅餅覺得作為一間葷素餐廳，願意投資多一小部份將廚具分開，其實係對素食者嘅一份尊重。洋金菊黑杞子茶由一上檯嗰一刻，直至沖完第一杯，到飲咗一半，唔同時間，會因應裡面嘅材料變成唔同顏色，餅餅覺得好靚，好似藝術品咁樣呀！有蜜糖提供，可隨喜好加。巔峰狀態2.0上次都有飲，分為1.0、2.0、3.0三款，代表羽衣甘藍落嘅份量多少，今次選擇2.0，清清淡淡嘅味道，配濃味嘅食物好適合，但今次我覺得太冰咗啲。素牛肉炒飯本身含五辛 (有蒜頭圖示)，餅餅特登測試吓餐廳對客人要求嘅處理，所以要求走蔥蒜，佢哋會落單時寫低，會盡量滿足客人要求，值得讚。材料大約有素牛肉、冬菇、黑白芝麻、翡翠苗、白飯，食完時餅餅覺得個碟都仲有
今次係食lunch，因為早咗去，所以響門口影咗幾張相，發現到一張小告示，原來佢哋有聘請聽障朋友工作，餅餅喜歡良心企業，讚讚讚呀！
另外要讚嘅係Menu，如果餅餅無記錯，上次佢只分素食，但今次有改進，係分純素 (葉葉圖示)、蛋奶素 (奶瓶同蛋圖示)、五辛素 (蒜頭圖示)，分劃得更精細。佢哋煮素食係會用專屬素食廚具，餅餅覺得作為一間葷素餐廳，願意投資多一小部份將廚具分開，其實係對素食者嘅一份尊重。
洋金菊黑杞子茶
由一上檯嗰一刻，直至沖完第一杯，到飲咗一半，唔同時間，會因應裡面嘅材料變成唔同顏色，餅餅覺得好靚，好似藝術品咁樣呀！有蜜糖提供，可隨喜好加。
素牛肉炒飯、羽衣甘藍煎餅、巔峰狀態、奇異籽素奶凍
38 瀏覽
0 讚好
0 留言
巔峰狀態2.0
上次都有飲，分為1.0、2.0、3.0三款，代表羽衣甘藍落嘅份量多少，今次選擇2.0，清清淡淡嘅味道，配濃味嘅食物好適合，但今次我覺得太冰咗啲。
素牛肉炒飯
本身含五辛 (有蒜頭圖示)，餅餅特登測試吓餐廳對客人要求嘅處理，所以要求走蔥蒜，佢哋會落單時寫低，會盡量滿足客人要求，值得讚。
材料大約有素牛肉、冬菇、黑白芝麻、翡翠苗、白飯，食完時餅餅覺得個碟都仲有層油，就問吓用咩油煮，原來係芥花籽油。餅餅就覺得多油咗啲，但味道係好食嘅，唔太濃。
韓蔘素雞湯
個湯上檯有火爐暖住，唔怕放得耐會變凍，一個細心嘅安排。
餅餅以為係鹹湯嚟，飲第一啖先發現係甜嘅，但係係蔗汁嘅清甜味，但就好甜好甜，跟住就問家姐係咪好甜，佢話唔係呀，啱啱好喎，跟住餅餅就諗起，係播，啱啱做完7日Detox，味蕾進行咗調正，所以味覺唔同咗。因為甜，所以八八卦卦嘅餅餅又問waitress啲甜味係咩嚟，原來係竹蔗茅根。
湯底材料有人蔘、紅棗、杞子、淮山、竹蔗茅根等，而素雞係油豆腐皮、糯米飯、栗子、紅棗等，外面用長條牛蒡片綁住，味道好特別，好好食。
羽衣甘藍煎餅
材料有羽衣甘藍、杞子等，味道清淡但就油咗啲，食完個碟有層油。
奇異籽素奶凍
好食，奶凍甜度適中，味道似食椰汁糕，只係士多啤梨醬甜咗少少，可能芝麻味會仲香啲添喔！
材料有奇異籽、素奶、士多啤梨醬等，面頭放咗2片乾玫瑰花瓣點綴，賣相幾靚呀！
張貼
