尚素 (已結業)

媽媽一向都好鍾意食素，所以今日帶咗佢嚟食。觀塘都算方便，由mtr行去都非常快。店內裝潢好時尚，加上有種舒服嘅感覺，而且好靜，同媽媽坐得好舒服。熱豆漿 $22豆漿好鮮甜，甜度剛剛銖，但飲落相信並唔係沖粉嘅豆漿，天氣涼飲杯熱豆漿，胃都暖埋。四川擔擔麵 $68湯底係由麻醬同花生醬混合而成，相信鍾意食呢兩種醬嘅人一定鍾意食擔擔麵。再配合爽口嘅拉麵，可以話係萬勿錯過。麻辣素海蜇 $48雖然並不是真海蜇，但味道好逼真，每一啖食都好似抱住個好奇嘅態度，所以好快就比我食哂。竹笙榆耳腐皮卷 $118呢個可以話係我今日嘅最愛。炸腐皮卷係一樣看似簡單但實際要炸得鬆脆絕不容易。口感脆嫩嘅炸腐皮炸得非常好，非常脆口，內好像係有榆耳、黃耳、竹笙等配料，食落好似比起唔係齋嘅腐皮卷更好味，材料更充足。XO碧綠素花枝片 $88雖然並不是真花枝，但口感尤如真一樣。加上有我最愛嘅翠肉瓜，爽口鮮甜。再加埋三色椒的確最好不過。無諗過花枝、翠肉瓜加三色椒係咁夾，加埋XO醬的確係生息不少。
🍽8/10🔎 尚素 (觀塘)觀塘駿業街56號中海日升中心1樓B舖