尚素 (已結業)

成日食d油膩野慣左多肉少菜既飲食習慣，間唔中都要轉一轉，有d新鮮感得黎又食得健康，所以今次再次過黎尚素食素菜。黃耳栗米羹 $48湯底清淡鮮甜，粒粒栗米口感唔錯，黃耳爽口，好似話對皮膚好好添。腐乳鮮竹茄子煲 $88一開始驚腐乳好鹹，但點知腐乳同茄子毫無違和感，唔會搶左茄子既香味。大魔客家豆腐煲 $98豆腐相當軟滑，整體味道唔錯。薑汁翡翠苗 $78翡翠苗幼膩既口感比一般食開既生菜菜心等更勝一籌，薑汁既味道岩岩好。荷香紅棗籠仔蒸飯 $28荷菜飯就食得多，但係荷菜紅棗籠仔蒸飯就第一次食，份量都頗大，一籠差唔多兩碗飯，飯粒帶點荷葉清新既香氣又混和左少少紅棗既清甜。