紅葉茶屋 (帝國中心)

營業中

休息中

餐廳用上紅葉同熊貓裝飾，萌萌嘅熊貓公仔，格外令人歡喜。豪華海鮮丼茶漬飯~有兩款湯底選擇，而我哋揀選咗香濃蝦湯，蝦味非常濃郁，鋪上飯面嘅魚生刺身亦都非常新鮮。餐廳非常貼心，印有一張指引畀客人，跟住去做，就一定啱喇。豪華和牛壽喜燒定食~牛肉份量非常多，可以用一個小山丘嚟形容，仲有豆腐、蔬菜、冬菇做配料，牛肉片同配料都吸曬壽喜燒汁嘅味，用嚟佐飯一流。鎌倉紅葉茶屋抹茶提拉米蘇~上層用抹茶粉鋪滿，中層夾心夠曬香滑，上面仲有一塊紅色嘅小葉子，非常精緻。抹茶蕨餅新地~有兩款雪糕兩種都唔同口味、口感，底層有好多脆脆，混合紅豆、雪糕一齊食，感覺更滋味，而蕨餅都夠曬新鮮，非常柔軟。