豚道樂 (大河道) (已結業)

去荃灣而又想吃拉麵既話，我們會二話不說去拉麵台風，今次他竟然說帶我吃一間新開拉麵店咁話，既然佢咁有誠意，一於跟着走。幸好不用排隊就入座bar檯，都有9成滿座，有得比客人差iphone / samsung電！裝潢都幾靚！亦有兩杯冰涼既水比客人，唔夠就有個水壼比你自己斟。睇睇食乜先，佢之前吃過豬骨味，今天再叫同樣既>特上原味豬骨拉麵，而我就揀特上海老拉麵，有兩塊豬頸肉，兩塊豬肩肉，櫻花蝦，半熟溏心蛋，兩片紫菜，賣相甚好，先喝一啖紅色的湯底，濃郁且有虾的味道， 半熟溏心蛋蛋黃晶瑩剔透，好鬼正！味道很好！豬頸肉有用火槍燒過，香味溢出，嫩而有豬味，不會太多脂肪，而豬肩肉脂肪多左少少，櫻花蝦第一次吃，可愛哩，但是吃不出蝦味，就像蝦米咁，味不濃。可能湯底濃郁，蓋住左櫻花味。而麵選擇了硬幼麵，口感不俗，另外叫左蘋果梳打，幾好，蘋果味道濃厚，加上有汽，很爽呢！