影片
更多
2017-08-19
23 瀏覽
有次下午做野行開荃灣見到依間餐廳既午餐既意粉好似都幾吸引 , 今晚行開荃灣打算食個西餐 , 點知原來夜晚係無意粉 , 變左得火鍋 , 無所謂喇! 一於照試下佢! 見到餐廳個名有個辣字 , 就梗係點下啲辣野食! (唔辣既都有, 有水果鍋底) 普通的麻辣火煱就見得多啫 , 原來依道仲有個青花椒麻辣煱 ! 再望多2望 , 佢又唔貴喎, 仲有好多野簡 ! 同埋佢仲有埋魚鰾可以打邊爐 , 我真係未試過! 好吸引 ! 唔洗一陣野食就到 , 湯底叫左少辣 , 入口的確係少辣 , 唔會好辣 ! 啱晒我依啲中意食辣又食唔到好辣既人 ! 好似我咁真係好怕食到一啲叫左小辣但係辣到入唔到口的餐廳.而且老闆好warm , 好多時都見到佢同啲客打成一片 , 個鍋上左陣之後都好主動同我地講返聲details , 同問夠唔夠辣 ! 青紅花椒都可以加 , 你講就得! Detail 方面就係教我地點食! 原來青花椒點解出面咁少人做呢 , 原來係因為佢會越煲越苦 , 只係你食到覺得苦既時候 , 張啲油撇走佢就得 ! 青花椒比起平時既食開的紅椒麻辣湯底的確係麻味無咁重 , 清啲 ,可以食到青花椒的味道 , 香味係憂香,
有次下午做野行開荃灣見到依間餐廳既午餐既意粉好似都幾吸引 , 今晚行開荃灣打算食個西餐 , 點知原來夜晚係無意粉 , 變左得火鍋 , 無所謂喇! 一於照試下佢! 
見到餐廳個名有個辣字 , 就梗係點下啲辣野食! (唔辣既都有, 有水果鍋底) 普通的麻辣火煱就見得多啫 , 原來依道仲有個青花椒麻辣煱 ! 再望多2望 , 佢又唔貴喎, 仲有好多野簡 ! 同埋佢仲有埋魚鰾可以打邊爐 , 我真係未試過! 好吸引 ! 
唔洗一陣野食就到 , 湯底叫左少辣 , 入口的確係少辣 , 唔會好辣 ! 啱晒我依啲中意食辣又食唔到好辣既人 ! 好似我咁真係好怕食到一啲叫左小辣但係辣到入唔到口的餐廳.
而且老闆好warm , 好多時都見到佢同啲客打成一片 , 個鍋上左陣之後都好主動同我地講返聲details , 同問夠唔夠辣 ! 青紅花椒都可以加 , 你講就得! Detail 方面就係教我地點食! 原來青花椒點解出面咁少人做呢 , 原來係因為佢會越煲越苦 , 只係你食到覺得苦既時候 , 張啲油撇走佢就得 !
青花椒比起平時既食開的紅椒麻辣湯底的確係麻味無咁重 , 清啲 ,可以食到青花椒的味道 , 香味係憂香, 清淡一啲. 唔會蓋過食物的味道.
蒜泥超正! 出面唔多地方係用蒜泥 , 夾埋肥牛食就好似去左譚仔食蒜泥白肉咁! 正吖! 
肥牛叫左最普通果隻,份量2個人食十分足夠,依隻肥牛雖然唔係最好一種, 性價比十分之高 , 絕對唔係出面又乾又韌的普通肥牛 , 同樣質素 , 出面至少要過百一碟.
土豆片又係比較小地方有得食,但原來用黎打邊爐都係十分好食,一放落鍋滾佢一陣就吸哂啲味, 但係個薯片又唔會淋到好似煲湯咁一夾就散, 爽口係幾正. 如果再薄啲就仲正.
雲吞唔似冰鮮,似係人手包既,蝦都算係大隻,個皮又唔會淋到一夾盲散哂既既皮,重點係30幾蚊有靚雲吞食.
魚鰾不可不提 ! 其實一上枱的時候好靚 , 成個脹卜卜好新鮮 , 不過個待應好主動問我地剪唔剪就當然剪喇! 之後咪扁晒 ! 哈哈 ! 好新鮮 ! 記得唔好烚太耐 , 如果唔係就好韌.
做完運動又多一個可以約埋成班朋友食一個比較晚既晚餐既地方。老闆同我地講快開左三個月 , 會有PROMOTION , 好似係做九折 ! 九折真係好抵!
九點定九點半後仲會折多啲添, 詳細大家記得打去問下老細
張貼
