影片
更多
2017-02-19
3067 瀏覽
唔好俾相騙，睇相又多又靚但係......先講環境同服務係好好，贊！如果坐窗邊更好！門口準備入去，佢問你加唔加錢飲嘢，有2種可以揀-＞ 無記錯百幾蚊有 香濱、紅、白酒，好似任飲；另一種得2款果汁(應該係)，加幾十蚊都係任飲。 2樣唔揀都有清水任飲，餐茶1杯。講到食... : 先講以為最吸引嘅海鮮，長腳蟹，又乾又淡，似煮完再煮乾乾實實連少少海水味都無。以為頭一輪係咁，之後再試都一樣，好差！無大龍蝦，得小龍蝦仔，好少肉，味都ok，無乸喉嘅味。 生蠔唔覺冰涼新鮮(雖然冰震又即開)、翡翠螺(都係有沙，暫時得自助山無沙)、青口味道普普通通。皇帝蟹糧好少，但好過長腳蟹，起碼有味有少少汁。沙律係食過咁多間餐廳、自助餐最唔掂！ 直頭唔想夾，無晒又唔添，好似食淨咁。少款又唔新鮮！連7-11，ok便利店的都不如。肉食方面：巴馬火煺啲筋多到要吐出嚟。而有人企响度幫你切嘅燒肉眼食落好怪，生但切唔開，唔覺有牛味; 燒羊架又似湯渣(第一次見某人咬咗一口就食唔落去)，有款好似金沙骨啲味道又係好怪，唔似金沙骨味又唔係燒豬仔骨味😣。 燒肉皮脆，叉燒，切雞就ok，不過自助餐...唔會係主角。有款花膠海參鵝掌，得啲冬菇，可能
先講環境同服務係好好，贊！如果坐窗邊更好！
門口準備入去，佢問你加唔加錢飲嘢，有2種可以揀-＞ 無記錯百幾蚊有 香濱、紅、白酒，好似任飲；另一種得2款果汁(應該係)，加幾十蚊都係任飲。 2樣唔揀都有清水任飲，餐茶1杯。
講到食... : 先講以為最吸引嘅海鮮，長腳蟹，又乾又淡，似煮完再煮乾乾實實連少少海水味都無。以為頭一輪係咁，之後再試都一樣，好差！無大龍蝦，得小龍蝦仔，好少肉，味都ok，無乸喉嘅味。 生蠔唔覺冰涼新鮮(雖然冰震又即開)、翡翠螺(都係有沙，暫時得自助山無沙)、青口味道普普通通。皇帝蟹糧好少，但好過長腳蟹，起碼有味有少少汁。
沙律係食過咁多間餐廳、自助餐最唔掂！ 直頭唔想夾，無晒又唔添，好似食淨咁。少款又唔新鮮！連7-11，ok便利店的都不如。
肉食方面：巴馬火煺啲筋多到要吐出嚟。而有人企响度幫你切嘅燒肉眼食落好怪，生但切唔開，唔覺有牛味; 燒羊架又似湯渣(第一次見某人咬咗一口就食唔落去)，有款好似金沙骨啲味道又係好怪，唔似金沙骨味又唔係燒豬仔骨味😣。 燒肉皮脆，叉燒，切雞就ok，不過自助餐...唔會係主角。有款花膠海參鵝掌，得啲冬菇，可能俾人夾晒。
日式刺身壽司係ok嘅，赤貝，三文魚， 帶子都好味，帶子好肥厚甜！不過，每次幾片。而係企响度切魚生嘅女子，態度好差，不論小孩(眼見對話好悔氣，黑面)，男女都一樣(覺得最好唔好問佢攞)！交食物唔係放碟，係dum俾你，一視同dum。
最後，甜品雪糕好多，都好味食唔晒咁多款。
而最Like ：花膠海參炖烏雞湯(好甜好味)，忌廉磨菇湯、三文魚，帶子刺身。新鮮生果、蛋糕雪糕。肉方面最好得意式沙樂美腸片，同燒肉。真係...唔會再去。出面同價、中價都好食過佢。
張貼