蠔客 (已結業)

餐廳好細，一定要預先book 枱。而家人多左好多，book 枱時已通知六點半到要八點半交枱。對我地之後要去睇演唱會，絕對無問題！其實食過好多次，每次都會用抵食去形容。$199 半打生蠔加蒜蓉包及意粉，真係去邊度搵！我地兩個人，一人一個餐，蠔就指定38蚊內的，貴過就補差價。38蚊都好多選擇既！意粉指定白汁煙肉扁意粉，我地其中一個餐揀左 Parma ham 意粉，補左差價。。。不過我覺得白汁意粉好味D！另加我地叫左一板加拿大海膽有6片，好大片，好新鮮！但價錢差不多係一個餐既價錢！不過真的好好味！