日月茶點點心專門店 (紅磡灣中心)

營業中

休息中

第二次喺紅磡嘅點心小店食點心，兩次嘅食物嘅質素都唔錯，呢間比上次嗰間闊落好多，環境衛生亦幾好。金箔金魚餃， 個餡應該同蝦餃差唔多，價錢唔同在於造型有花少少功夫，外形脹卜卜，蝦肉都幾爽，餃皮上有少少金色。春風得意腸，個餡都係蝦肉為主，腸粉下仲係脆嘅。蟲草花棉花雞。上肉小籠包，今次無點奶黃包，因為無流沙，小籠包都唔錯，皮薄又無穿。原籠蔗糖馬拉糕，大大個又鬆軟。蜂巢芋角盒，個樣同酒樓食開有少少唔同，裏面嘅芋蓉軟身好多，入口慢慢溶咁，好好味。千島醬脆皮蘿蔔糕，煎得幾好，不過無千島醬會好啲。鳳爪排骨盅頭飯，排骨同鳳爪都幾好呀。