影片
更多
2020-09-11
586 瀏覽
而家市面上見到好多間唔同嘅海南雞專門店，好多都係外賣形式。今晚就喺佈滿美食嘅紅磡四圍搵食，諗住買返去食，唔使堂食。就見到呢間可可豬海南雞專門店，好多人排隊等緊！感覺應該好好食😆當時大概晚上八點都差唔多，有四五個人等緊外賣，又一直有啲外賣員嚟拎飯送貨🛵好似好受歡迎咁！我哋就決定睇吓Menu，睇一睇Menu見到原來好抵食，同埋呢間舖頭原來開咗唔係太長時間，所以仲有試業價，$38有個海南雞飯🍚咁我哋就一人叫一款飯，一個食海南雞飯，一個食豬手飯。再加一人一支飲品。餐廳提供嘅飲品都係非常有養生感覺🌱我哋叫咗一支羅漢果茶，一支就係熱情果茶。另外，食飯當然想有啲蔬菜啦，就嗌咗一個木瓜絲沙律。包裝得好好，而且我鍾意佢哋係用紙盒，感覺上比較環保啲。海南雞仲有一個醬汁，好開胃，海南雞好滑好滑，我就忍唔住連皮食埋，雞好香，配埋超級香濃椰汁味嘅飯，好正！好少食到咁濃椰香味嘅飯，平時食好少飯嘅我哋都食晒啲飯😋至於豬手一盒都有好多件，差唔多有七八件。皮好夠厚，好重骨膠原感覺。而且豬手唔係剩係得皮，仲有唔少肉添。味道比較似鹽焗香味嘅豬手，幾鍾意，好夠味。另外要提嘅就係個木瓜沙律極大盒！好足料！而且擺得好靚，好多隻大
好多都係外賣形式。
今晚就喺佈滿美食嘅紅磡四圍搵食，
諗住買返去食，唔使堂食。
就見到呢間可可豬海南雞專門店，
好多人排隊等緊！感覺應該好好食😆
當時大概晚上八點都差唔多，
有四五個人等緊外賣，
又一直有啲外賣員嚟拎飯送貨🛵
好似好受歡迎咁！
我哋就決定睇吓Menu，
睇一睇Menu見到原來好抵食，
同埋呢間舖頭原來開咗唔係太長時間，
所以仲有試業價，$38有個海南雞飯🍚
咁我哋就一人叫一款飯，
一個食海南雞飯，一個食豬手飯。
再加一人一支飲品。
餐廳提供嘅飲品都係非常有養生感覺🌱
我哋叫咗一支羅漢果茶，一支就係熱情果茶。
另外，食飯當然想有啲蔬菜啦，
就嗌咗一個木瓜絲沙律。
特色椰香海南雞飯
79 瀏覽
0 讚好
0 留言
包裝得好好，
而且我鍾意佢哋係用紙盒，
感覺上比較環保啲。
海南雞仲有一個醬汁，好開胃，
海南雞好滑好滑，我就忍唔住連皮食埋，
雞好香，配埋超級香濃椰汁味嘅飯，好正！
好少食到咁濃椰香味嘅飯，
平時食好少飯嘅我哋都食晒啲飯😋
招牌豬手飯
25 瀏覽
0 讚好
0 留言
至於豬手一盒都有好多件，
差唔多有七八件。
皮好夠厚，好重骨膠原感覺。
而且豬手唔係剩係得皮，仲有唔少肉添。
味道比較似鹽焗香味嘅豬手，幾鍾意，好夠味。
青木瓜大蝦沙律
$28
15 瀏覽
0 讚好
0 留言
另外要提嘅就係個木瓜沙律極大盒！好足料！
而且擺得好靚，好多隻大蝦。
仲有五顏六色嘅蕃茄🍅🍅
沙律嘅醬汁唔會話太過重口味，
反而我鍾意咁樣清清地，帶清甜味，
平衡返食肉食飯嘅油膩感覺👍
飲品方面，
金羅漢果同埋棋熱情果查兩款都唔會太甜，
較鐘意熱情果茶，好香嘅果香，
同埋見到樽入面仲有熱情果肉添！
仲有一粒粒嘅核仔，感覺好天然不添加。
金羅漢果養生茶&熱情豐盛
13 瀏覽
0 讚好
0 留言
真係大致上都幾抵食幾唔錯。
以呢個價錢來講真係算好高分😋
而且我仲見佢有口水雞添，下次都想試埋！
張貼
