契爺鮮入圍煮 (已結業)

同朋友發現咗一間幾唔錯嘅火鍋店叫做契爺鮮入圍煮，位置係紅磡黃埔天地聚寶坊個頭，係岩岩新開·͜· ︎︎·͜· ︎︎同朋友嘅口味不嬲都清淡啲，所以簡簡單單叫咗個清湯豆腐鍋，味道都夠，唔會係淡而無味嗰種，反而幾鍾意食呢種湯底嘅味道，同埋個湯底都有好多菜同豆腐，健康之選。·͜· ︎︎打邊爐配料方面就叫咗芝士腸，我覺得打邊爐真係一定要加芝士腸，芝士腸一咬落去啲芝士必出嚟好正，仲要好快就熟，唔怕餓親自己。·͜· ︎︎雖然本身個湯底有菜，但係我都仲揀咗萵筍同埋金菇，呢兩款蔬菜都好好食！·͜· ︎︎沖繩活水飼豚梅肉呢款肉都好掂，粉嫩嘅顏色好吸引，仲要肉質好鮮嫩，入口鬆軟嘅口感真係冇得彈！整體嚟講，我覺得呢間火鍋店都唔錯，下次會仲過嚟試吓佢哋個養生花膠雞湯底！