鍾菜 (已搬遷) 新店位置

年初二，約了幾個朋友出來看戲，之後來這裏食晚飯；朋友之前來過，不停讚這裏的食物好食，所以今次就決定來這裏了。一心以為新年一定好多人出街食晚飯，想不到比想象中少。我們叫了石榴脆香雞、冶味生扣元蹄、生煎金錢貝、冶味蔥爆豬頸肉、蝦子海參豆腐煲和濃湯花膠泡菜苗。石榴脆香雞- 都幾有雞味，唔會太韌，石榴味就比較淡了點，都算唔錯；只是比較細隻了一點。冶味生扣元蹄- 朋友就話好肥，其實都幾好食丫，外皮煙煙韌韌，內裏的廋肉又好入味，相信都係心理影響吧。生煎金錢貝- 只得四粒，雖然味道都唔錯又幾新鮮，但就真係唔多抵食。冶味蔥爆豬頸肉- 豬頸肉唔會韌，味道都煮得唔錯，幾好。蝦子海參豆腐煲- 蝦子？真係食完都唔多覺有；海參又係只得幾舊，都無份食；好在豆腐就有好多，幾滑幾有豆腐味。濃湯花膠泡津白- 花膠煮得幾腍，味道主要來自濃湯，津白就煮得過腍，自已就唔多喜歡，好在濃湯味道都唔錯。這裏的食物都算唔錯，但沒有想象中好，而且有些食物都幾細碟。