唐記包點 (港鐵馬鞍山站)

營業中

休息中

一日三餐出街食，每逢到月尾都係有d手緊。唐記絕對係糧尾恩物，講真，廿幾蚊買到個飯，喺香港地真係絕無僅有。我最愛唐記嘅鳳瓜排骨飯同咸蛋肉餅飯。鳳瓜排骨飯有種好獨特嘅香味，即使隔住個盒都會聞到！久不久就好想食下！排骨夠大粒厚肉，蒸到軟硬度適中，唔會太勒，鳳瓜唔會甩皮甩骨。另外咸蛋肉餅飯都係好高質素，咸蛋黃會出油，蛋黃油香混合白飯本身已經好送飯，再加埋肉餅，成個飯食晒真係好合情合理嘅！我仲叫多咗點心，金錢肚，入味而且炆得夠淋，一碟有成7-8件，$18都係好抵食！抵食已經係好吸引，仲有翻一定水準，$100唔駛兩個人食到飽，仲唔係糧尾不二之選！