唐記包點 (港鐵馬鞍山站)

營業中

休息中

唐記真係窮人恩物，地點又方便。間唔中朝早肚餓又要趕返工，搭地鐵個陣快快手買個包就得，一分鐘都唔洗😹前排出既個個黃奶麻糬包真係好岩我口味！麻糬分量都唔少，但唯一唔好就係個奶黃同舊麻糬分得有啲開，好易咬落有奶黃就無麻糬，有麻糬就無奶黃🙂‍↕️🙂‍↕️🙂‍↕️

啲咖哩牛筋腩飯真係有驚喜，牛筋咬落去啖啖肉味，好入味幼滑。添上呢啲香辣咖哩汁，飯一滾便化晒入口，咁多野得嚟價錢又平，食得我心水直流🤤。話說返個北菇雞飯，雞肉鬆化得嚟保持咗juicy，真係食得出佢哋煮食上嘅用心！香芋包香甜軟糯，與蒸包內嘅鹹香菜肉形成咗一個絕佳對比。臨走前又試咗個沙嗲金錢肚，唔通常都只有燒臘檔先食到嘅金錢肚係度都能一嚐，沙嗲汁足料得嚟味道剛好，層次分明。飲品方面啲香滑奶茶就真心唔錯，喉嚨過落去嘅感覺好滑，飲完之後味道仲喺口腔中縈繞。下次有閒再黎食，試下其他嘢，希望同樣咁正🥢🍚🥤！

幫襯「唐記」好多年，唯獨馬鞍山港鐵呢間「唐記」有以下問題：1. 收完錢之後才告知你 無 你所要的，要客人轉食另一樣野！（唔止一次）2. 今日更惡劣，叫了兩個「鳳爪排骨飯」，店員話要等10分鐘。結果等咗15分鐘後，先同我講無，仲話叫我等果時佢唔知道無蒸「鳳爪排骨飯」😡😡😡話宜家只有 章魚肉餅和雞飯。即變相要食就被迫轉其他飯😡😡😡（一句道歉都無）3.之後我表達會作出投訴，店員的回應竟然係：我哋都換咗飯比你啦！ 講到係我問題咁！可惡的店員！

第1次食唐記，中午時間叫左2個點心。都幾多人排隊等左10多分鐘，開餐，蝦餃居然唔係用成隻蝦但又叫蝦餃咁神奇，撈其他肉猜成一舊味道同燒賣差不多，都算了，味道非常普通，咁其實去超市叮叮都隨時一樣質素，皮又超厚成塊膠咁口感。。春蛋燒賣粒春蛋，比任何賣點心既同行都細粒，係咪每粒都過磅先出得街？下層燒賣冬姑都冇粒，味道完全係行貨，一食就知食材全部用最平靠味精。而且似用機器整出黎咁，可能夠平價大家鍾意食味精野所以咁多好評。

Green Monday，成功地令香港人注重食素的重要性。之後，由 Beyond Meat，Impossible Meat，到 Omni Pork (新豬肉)，就成功地把素食的概念，帶給非素食者，令普羅的非素食大眾了解到，原來素食係可以千變萬化的。亦因為有這樣的產品，好多食肆都借用來推廣。而蒸飯專門店《唐記》也就近期紅熱的新豬肉，做出了一系列的素食點心同蒸飯。期後，《唐記》又同 Sanrio 合作，推出了一系列的 My Melody 小點，氹氹小朋友。先說平時的《唐記》出品，就是一系列的蒸飯同點心啦。因為我來的是港鐵站內的分店，吃到的飯都是 prepacked 的。所以，就是廠出品，原膠盒上的鳳爪排骨飯。如果是街鋪，好多都是店內自製，客人要才入盒再加菜的。這些原膠盒的，就會伴上南瓜，令蒸飯多了幾分的甜味。此外，《唐記》的排骨同鳳爪的水準，我可以說，是拍得住好多酒樓既出品的。慣常來《唐記》買飯，梗會要多一份點心。通常，我都會要一份鵪鶉蛋燒賣。但那一晚的鵪鶉蛋燒賣賣晒，我就來一份正常版的豬肉燒賣了。有豬肉，有蝦，這絕對是大師父級既點心出品。入口，充滿了肉的鮮甜味。好多時，尤其是國內工幹完回

唐記飯真係平靚正，性價比高，啲姐姐雖然廣東口音不正，但佢哋友善又親切。去到夜晚通常受歡迎嘅飯好多都賣晒，次次去到八點或者九點，都已經叫唔到章魚肉餅飯。琴晚咁夜都竟然有肉餅飯新鮮出爐，即刻叫咗個章魚肉餅飯同埋流沙奶黃包。流沙奶黃包🌟🌟🌟🌟🌟個流沙真係做得唔錯，真係流，又有少少蛋黃味。唔係流沙嘅奶皇包就唔好試啦，之前食過個奶黃隻味真係好假。呢個真係極力推介，真係好好食，鍾意食奶黃包嘅你一定唔可以錯過😌章魚肉餅飯🌟🌟🌟🌟個肉餅鹹鹹地仲有足料嘅章魚，真心送飯一流。加上佢新鮮出爐，熱辣辣，仲送埋配菜南瓜🎃唔可以話好好食，但咁嘅價錢有咁嘅質素，真係食得過！唐記真係平價之選🤗🤗🤗🤗

唐記呢排搞左新意思出咗阿華田奶茶阿華田麻薯包😼😼如果係華田控嘅你一定鍾意！阿華田麻薯包一般般不值得一提反而阿華田奶茶真係要試奶茶好香有茶味但不失阿華田味，如果鍾意飲奶茶同阿華田嘅人一定要試

很喜歡喝夠華田，見唐記新出了這個包，便有衝動想試試!新品$7.5一個不便宜喔！入面有阿華田流心餡跟麻糬。可惜今次麵包失準了，包不知何故，吃起來完全沒鬆軟感，反而有點兒黏牙感覺，只能說包體本身很難食至於麻糬，它的口感真正跟包融為一體喔！這代表什麽？代表它不帶一點煙韌口感，又是軟軟黏黏的最正常對辦是阿華田流心，阿華田味好香，甜度都剛好，而且還是流心，這點已很安慰!整體來說，今次的包子質素不行耶! 下次還是不要亂試新品好了!

知道上次個阿華田包出咗升級版💁🏻‍♀️<<流心阿華田麻糬包>>($7.5)我不負眾望即刻買咗嚟試喇✌🏻加多$2.5嘅分別就係睇到呢個拉咗成分鐘都未斷嘅麻糬😌咁就以為佢好煙韌?! 你就錯喇🤦🏻‍♀️佢係薄薄嘅一層軟糯...澎湃嘅流心阿華田已經完全覆蓋咗個焦點!可能佢真係腍到已經feel唔到佢嘅存在😅簡單啲! 三個字! 「冇口感」完。同埋都係嗰句: 中式包點 x 阿華田 = 格格不入🤡

唐記真係由細食到大，睇住佢啲包越來越貴(無辦法啦，香港依十年物價通脹得過份!) 都睇住佢依一年出左好多新口味嘅食品，今晚屋企無飯食，就俾個機會我地識新野!阿華田系列真係勁新鮮，有阿華田包同阿華田奶茶，唔好睇個包餡唔太討好咁(個顏色唔係咁好XD) 但係個包甜甜地，又唔係太甜，真係有阿華田味架喎，依家仲好抵呀，只係$5/個，用黎做下午茶就perfect!阿華田奶茶都係另一推介，都係唔太甜，但係又有齊阿華田同奶茶味道。我諗佢成為我近期新寵，應該會成闈買佢黎飲，反正$9/支係抵嘅!!!以前食唐記都係食佢嘅皇牌 - 章魚肉餅飯，仲要多菜添哈哈!! 但係今次又要試新野，食左佢新出嘅薯仔炆雞翼飯同豬軟骨飯。兩款肉都炆到好淋好入味，醬汁都係非常濃味，特別係豬軟骨呀，好好送飯!! 而且飯同餸嘅份量都好多都大大碗，$29真係好抵食！當然唔會少得每次都食嘅雞扎，好足料好好食;)

夜麻麻唔想煮飯, 但係又想食中式野, 就買左個外賣返屋企同呀媽share。最近出左咖哩牛腩飯, 我就諗住試下。食落個醬汁都幾入味, 同連鎖快餐店有得fight, 唔會硬到柴咁。糯米雞最特別係佢有叉燒, 而且份量係大到一個人食唔晒❤😊其實想買金錢肚點心食, 但係成日都賣晒, 太受歡迎.. 我今日就買左雞扎, 我就好鍾意食芋頭&炸魚肚, 唔使去酒樓坐都可以快速食點心👍包點又鬆又軟係呀媽至愛!咖哩牛腩飯巨型糯米雞麥皮包, 蓮蓉飽雞扎黑豆漿

唐記包點周圍都係其實我都成日幫襯對上一次幫襯食咗個阿華田包之後我同屋企人發現愛上咗係咁食係咁食唐記，於是今日我又喺馬鞍山嗰度幫襯咗去試下佢嘅菜肉包同埋蒸飯。我覺得唐記包點係一個好新嘅革命，以前淨係會知道攞住快餐店或者係m字頭的餐廳漢堡包，點會諗到原來拎走一樣可以拎唐式嘅餐點包呢？而且佢哋嘅包點一啲都唔馬虎，咬口唔會成口都係粉，內外配合得啱啱好，而蒸飯亦都真係有一種好似喺屋企蒸出嚟嘅感覺絕不馬虎。其實嘢食啲本上大家應該都唔陌生，唐記係令人意外嘅就係佢哋嘅服務態度，佢哋啲姐姐全部都好好笑容👍而且無論你有啲咩服務上嘅問題例如邊啲好食佢都會好樂意咁樣回答你，呢度食物質素好之外，亦係難得一見嘅公司文化，所以值得一讚。順帶一提 ，佢哋啲凍包買返去都唔錯呢👍

好多時候我阿媽都係好鍾意買外賣返嚟食，因為唔使煮但係又有中式嘢食， 唔係餐餐都食叉雞飯或者燒肉飯。有好多時候想快速食兩件點心，但係又唔想去茶樓坐咁耐嘆報紙嘆茶， 似乎都好似冇乜選擇咁。今次阿媽就醒啦，知道我趕住出門口，就買咗熱辣辣嘅唐記飯畀我食。唐記糯最鍾意食就係雞扎，因為雞蛋入面有芋頭同埋豬肚，兩樣都係我鍾意食嘅嘢。咖哩牛肉飯我都係第一次食， 因為之前次次都係食蒸飯或者肉餅飯，估唔到佢個咖哩牛腩飯，都拍得住某大型連鎖快餐店。 至於食蒸包我嘅要求就係要夠熱，同埋唔好太甜，咁今次食咗個麥皮饅頭，都覺得好食。

唐記有禁多分店，總有一間係你附近。佢哋新出咗好多新產品你有試過未？有時想輕食或窮食，可以揀蒸飯、有汁食、包點、點心等等 🧡流心阿華田包呢款係新推出嘅期間限定包點，個包夠熱係重點，一咬落去便有阿華田醬流出來， 十分香濃，但會較甜。🧡阿華田奶茶阿華田味超濃，好香好滑，每一啖的最尾都會飲到少少奶茶味，所以平時覺得奶茶偏澀的朋友，都可以嘗試一下。🧡金錢肚點心就點了金錢肚，份量都算多，味道足夠，但不夠軟林。🧡豬軟骨飯除咗平時有的蒸飯外，唐記亦推出了新的有汁飯。估唔到性價比高，有4-5件豬軟骨，炆煮得十分入味，又有薯仔做配菜。🧡薯仔炆雞翼係家常便飯的感覺呀，瑞士汁雞翼配薯仔，係我至愛呀

地球好危險！呢排咁亂...朋友飯局都少咗，乖乖地返工放工食飯😆😆遇著打風落雨，好自然又會掛住唐記蒸飯點心！方便好味道又抵食今晚無飯家庭又去咗買外賣...原來最近出咗新產品🧐有咖哩牛/咖哩雞飯，小菜飯有涼瓜排骨/薯仔雞翼，仲有阿華田系列：阿華田奶茶，阿華田流心包最愛咸魚蒸肉餅飯，至鍾意舊咸魚，肉餅好多肉汁唔係實登登新產品都好驚喜㗎...咖哩好香有少少辣好惹味流心包個流心堅正，好濃郁阿華田味飲咖啡mix朱古力叫Mocha，估唔到原來阿華田mix奶茶咁鬼夾好希望呢兩款期間限定可以一直都有得賣