雪寮 (已結業)

呢間之前已經食過一次 位於K11顯眼位 真係令到我印象深刻 糖水全部都好滋潤同健康 主打健康飲品 打卡又養生😍所有甜品都係即叫即做 所以等候需時 難得今次佢哋出左新嘅產品 價錢又唔算太貴 睇落好吸睛 一於試吓佢先😍🥥白雪椰皇滋養雪糕呢個真係超級推介🙌🏻椰皇裏面裝住雪耳、椰奶、牛奶雪糕、椰皇燉蛋、椰絲 好足料 雪糕香甜 充滿牛奶香味 配搭埋炒椰絲同椰汁 味道好濃郁 裏面有燉蛋同雪耳 撈埋一齊食 口感好豐富😍除此之外裏面有厚厚既椰肉 兩個人食就啱啱好！🍋薑檸雪耳梳打平時出街一定要飲手搖飲品 不過去到K11就一定要飲呢個 健康得來又可以解渴 薑味都算出 加埋檸檬梳打 飲落酸酸甜甜 冰涼嘅口感 加埋雪耳 有咬口 真係夏天必飲嘅佳品！🥛樹記腐竹蓮子薏米我諗飲完呢個唔會想飲其他街邊既腐竹糖水😂 經過2小時燉煮 用玻璃樽盛載 可以買反去享用 裝到足足有三碗🥰 糖水非常濃稠而幼滑 味道唔會好甜啱晒我屋企嘅老人家 腐竹滑溜 豆味濃郁 再加埋雪燕、薏米同蓮子 非常足料！