Shine (已結業)

由於今日即興同朋友食晚飯,於是就諗起尖沙咀嘅shine,貪呢間餐廳又有酒飲又有好嘢食。建議大家如果想喺嗰度慢慢傾同慢慢食,最好係平日一至四,人冇咁多,又可以慢慢傾慢慢食,如果五六日呢度真係好爆,咁就同大家分享下有咩好食啦。明太子海膽意粉 啲魚籽粒粒好大粒,仲晶瑩剔透。加上鮮甜嘅海膽,加上濃郁的忌廉汁,令到成個意粉層次分明,海膽加埋大大粒嘅魚籽,食到停唔到口。香煎牛肋骨(35oz) 如果大家係三至四個人不妨叫一客試下,由於同行友人唔敢食太生的牛,所以點咗八成熟。我想講如果大家鍾意食牛嘅不妨叫五至六成熟,咁樣肉會有更多肉汁。呢次叫八成熟都唔錯, 個牛肋骨表面香非常之香,而八成熟都見到一啲嫩紅色嘅肉,配以燒汁,一流。三文魚扒呢度個三文魚扒真係要值得一讚,佢可以將個三文魚扒整到外脆內嫩。龍蝦湯龍蝦湯係高水準之作,龍蝦味超勁濃,仲有大大粒嘅龍蝦肉喺入面,加上香草伴碟,美味呢度的伴酒小食真係好有質數素, 脆炸魷魚即叫即做非常之香口。總括嚟講食物質素非常有水準 ,下次如果朋友約食飯都會再揀呢一間。