鋿晶館

營業中

休息中

今日lunch去鋿晶館試吓佢哋嘅點心，叫咗陳皮牛肉球、鮮蝦腐皮卷、虎皮尖椒釀魚肉、蝦餃、黑松露燒賣、椒鹽涼瓜、黑椒金錢肚。落單即造，唔洗十分鐘已經有得食，全部熱辣辣，即刻加分！牛肉用上湯浸住上，好特別嘅食法，味道唔錯；食腐皮卷時要小心，剛炸起上碟，足料鮮蝦加莞茜同韮黃，堅惹味！虎皮尖椒有少少辣但仍然食到煎到金黃色嘅足料魚肉，正！蝦餃皮薄餡靚，鮮蝦配勝瓜，幾特別清新；燒賣夠份量配香味十足嘅黑松露，絕配！金錢肚香辣惹味，蘿蔔墊底，索晒啲汁好好食；如果鐘意食涼瓜，一定要叫椒鹽涼瓜，成籃上份量多，堅香脆好味，必吃之選！整體來講，點心款款都好味，埋單唔洗二百蚊，今時今日飲餐茶，呢個價錢食咁多個點心，唔算太貴，最緊要係坐得舒服、食得開心、服務又貼心。