北京樓 (MOKO新世紀廣場)

營業中

休息中

新世紀全面改革，引入好多新食肆。北京樓便是其中之一。一行二人，由於平日，所以十二點半都唔洗等位。由於我地只得兩個人，唔食得多，所以叫咗個點心拼盤、嫩雞燴麵同沙嗲牛柏葉。點心拼盤幾精美，每款點心有2/3粒，蝦餃、燒賣、黑松露什菌餃同好似粉果嘅餃。蝦餃燒賣好好味，又夠熱； 黑松露什菌餃好有新鮮感，菌味香。綠色嘅餃，個餃皮好削好淋，餡料尚可，好似粉果咁。嫩雞燴麵湯底好濃，好鮮味，麵身亦唔會過淋，火侯剛好，又多雞粒同菜粒。餐前小食嘅麻辣素雞青瓜粒，幾香，麻而不辣。