小火焰韓式咖啡廳 (觀點中心) (已結業)

見有一段時間冇食韓國嘢，又經開觀塘觀點中心就走咗去【小火焰韓式咖啡廳】試下韓國餐。😍Order咗甜薯咖哩蘑菇雞翼飯、溫泉蛋野菜牛肉蕃茄湯，另加配脆香牛油雞翼、甜辣韓式炸雞、同埋3.6牛乳奶凍，飲品叫咗紅柚荔枝梳打及熱蜂蜜紅棗茶。😋甜薯咖哩蘑菇雞翼飯，咖哩甜甜地好好味，配埋薯仔係一流之選，估唔到蘑菇都原來好親咖哩。另外雞翼就好入味，用特別嘅醃料整過，成碟飯都值得推介。😋溫泉蛋野菜牛肉蕃茄湯就必食之選，食完個人會暖笠笠，番茄控嘅朋友一定要試。😋牛油雞翼就香脆可口，甜辣韓式炸雞就好有韓國風味，甜甜辣辣又香脆，最緊要雞肉又嫩，正。😋3.6牛乳奶凍就真係要再嚟食，因為甜品好滑而且甜度適中最啱我食。紅柚荔枝梳打絕對係打卡之選，杯連玻璃樽倒插一齊上，最緊要食完炸雞飲返啖梳打 ，成個人滿足曬!🥰