入到店內，店員都好親切，手腳亦好快。瞬間已經開好茶同上左小食。
小食係酸汁雲耳，好開胃，雲耳爽口新鮮
精美四小併: 九轉小腸、水晶豬蹄凍、滷水豆腐、涼拌紫菜
好食，尤其係九轉小腸同紫菜，佢有味得黎係好自然，感覺係無味精，但又愈食愈想食
紅菇係福建武夷山嘅稀有產物，蟶子吸晒湯汁隻隻都鮮味飽滿，好味
扁肉湯雖然其貌不揚，但佢味道令人回味無窮
每個肉餃都細細粒，一口一個，好似好多個鮮味炸彈咁
真係好好食，用肉捶打造成嘅餃皮好滑同煙韌而且好香，入面嘅肉餡咸香味啱啱好，加埋個清清地嘅紫菜湯😱 我飲左兩碗
真係好好味😂
酥炒芋芯又係好好食😫😫😫
啲芋頭外面炒左砂糖，好似潮州嘅反沙芋咁有啲脆脆地又好襯芋頭本身嘅香味
鹽焗蟶子，由於佢係鐵板同係用焗嘅方式去煮
蟶子乾身過蒸或者炒，但係風味更加集中
一隻一隻落手剝黎食好正🤡
呢個黃花魚都唔錯，魚肉好結實，食得出條魚係新鮮
啲豆腐都係莆田特有嘅鹽滷豆腐，豆味好濃
呢個漁民紫菜燜飯都幾得意，米身偏圓，咬口比較好
飯入面仲有好多切細粒嘅材料，仲有啲細蠔仔，好有海產風味
整體黎講好鐘意
服務好，價錢雖然唔平但值
店員介紹我地飲嘅菊花茶都唔錯，清熱
想食好味嘅中菜莆田真係好好嘅選擇🙌🏻🤪
