影片
更多
2019-11-27
221 瀏覽
10 週年紀念當然要同老公去浪漫吓～環境優美當然係fine dining 重要一環，呢度絕對冇令我失望，靚！Stawberry Nectar～ 飲得出係由大量新鮮嘅士多啤梨製造出嚟 ，濃厚嘅口感加上香濃嘅士多啤梨味，女士最愛！餐包都有三個種類，而醬都有兩款第一款係香草茄子醬，第二款辣肉腸南瓜醬， 聽侍應講，呢兩款醬都係自家製，坊間一定唔會食得到！ 呢兩款醬經過調配之後，果然同麵包都好夾， 唔會搶曬麵包嘅味道，但食得出醬本身嘅特色。法國穀飼牛肉他他～ 牛上面放咗一隻半熟嘅鵪鶉蛋，切開之後見到蛋黃緩緩流出，滲入牛肉他他，可以令佢更加幼滑， 牛肉他他本身亦撈咗小小香料，食落夠味！牛油果青瓜乳酪凍湯配蟹肉～ 呢個湯絕對啱女士飲，既清爽又低脂， 而且蟹肉嘅鮮味充斥凍湯。黑毛豬火腿白蘆筍卷～ 本身白蘆筍係冇乜味道，但同時對身體亦都好有益 ，廚師用咗濃味嘅黑毛豬火腿襯住，真係非常聰明嘅一個方法，好味！芭樂雪葩～ 食主菜之前一個清爽香甜嘅雪葩ready吓先， 口感香軟幼滑。黑松露焗釀鵪鶉～ 一上枱已經聞到非常香， 一切開，更加有見到好多沾上黑松露嘅蘑菇， 熱度亦都非常足夠，而味道更加令我滿意。榛子朱古
Stawberry Nectar～ 飲得出係由大量新鮮嘅士多啤梨製造出嚟 ，濃厚嘅口感加上香濃嘅士多啤梨味，女士最愛！
餐包都有三個種類，而醬都有兩款第一款係香草茄子醬，第二款辣肉腸南瓜醬， 聽侍應講，呢兩款醬都係自家製，坊間一定唔會食得到！ 呢兩款醬經過調配之後，果然同麵包都好夾， 唔會搶曬麵包嘅味道，但食得出醬本身嘅特色。
法國穀飼牛肉他他～ 牛上面放咗一隻半熟嘅鵪鶉蛋，切開之後見到蛋黃緩緩流出，滲入牛肉他他，可以令佢更加幼滑， 牛肉他他本身亦撈咗小小香料，食落夠味！
牛油果青瓜乳酪凍湯配蟹肉～ 呢個湯絕對啱女士飲，既清爽又低脂， 而且蟹肉嘅鮮味充斥凍湯。
黑毛豬火腿白蘆筍卷～ 本身白蘆筍係冇乜味道，但同時對身體亦都好有益 ，廚師用咗濃味嘅黑毛豬火腿襯住，真係非常聰明嘅一個方法，好味！
芭樂雪葩～ 食主菜之前一個清爽香甜嘅雪葩ready吓先， 口感香軟幼滑。
黑松露焗釀鵪鶉～ 一上枱已經聞到非常香， 一切開，更加有見到好多沾上黑松露嘅蘑菇， 熱度亦都非常足夠，而味道更加令我滿意。
榛子朱古力慕絲～ 朱古力係我嘅最愛 ， 香滑濃郁，更配上脆脆爆谷，加上老公花心思叫侍應安排劃碟， 心心曬咁，唔冧就假。
最後，有咖啡朱古力、自製桂花蝴蝶酥同果仁朱古力， 一路傾計一路慢慢食，真係好sweet💕
佢仲做緊優惠添～生蠔買一送一、
埋單前like+share Facebook 比現金 set dinner 9折，抵呀！
張貼
