影片
更多
2023-06-14
275 瀏覽
假日同家人一齊食香江花月既早市，一間朝早係茶樓；夜晚打邊爐嘅餐廳。朝早10:30就開，12點要交枱。店舖裝修好靚，用舊時8、90年代的車衣機、水壺等，營造出年代感，而且坐位闊落，坐得舒服。點心主要係以手功精緻吸引人。紅袍荔枝：係呢一餐嘅驚喜之一，一碟3粒，整得極似荔枝。本身睇餐牌都唔知係咩嚟㗎，一咬開，原來入面似係流心奶黃，外皮好似鹹水角咁，真係好新奇又好味。黑椒萵筍和牛腸：和牛腸嫩滑又入味，配上脆口嘅萵筍，黑椒味唔會太重，恰到好處👍。和牛腸上仲有花花點綴木魚絲XO醬炒蘿蔔糕：菜色澤誘人，木魚絲同XO醬嘅香味提升咗蘿蔔糕嘅味道，口感豐富，值得一試。蟹籽櫻花蝦蝦餃：外表出眾，係櫻花粉色，仲有少少金粉襯托，記得同中環間紅樓都有呢款點心，好igable，但味道平庸。飛魚子鰻魚燒賣：上面係一塊鰻魚，燒賣皮係淡綠色，第一次食鰻魚燒賣，味道好特別。藥膳鳳爪：鳳爪腍嫩入味，藥膳味道好重，怕藥材味嘅要小心。流汁叉燒包：外貌普通，口感軟熟，但不太推薦。五柳炸雲吞：外皮脆卜卜，入面嘅餡料鮮美，上面有醃製菜絲，中和煎炸感。粉麵個啲係午市12點打後先可以點，今日冇緣食。如果懷着試吓新嘢嘅心態，同埋打下卡，呢間
店舖裝修好靚，用舊時8、90年代的車衣機、水壺等，營造出年代感，而且坐位闊落，坐得舒服。點心主要係以手功精緻吸引人。
紅袍荔枝：係呢一餐嘅驚喜之一，一碟3粒，整得極似荔枝。本身睇餐牌都唔知係咩嚟㗎，一咬開，原來入面似係流心奶黃，外皮好似鹹水角咁，真係好新奇又好味。
黑椒萵筍和牛腸：和牛腸嫩滑又入味，配上脆口嘅萵筍，黑椒味唔會太重，恰到好處👍。和牛腸上仲有花花點綴
木魚絲XO醬炒蘿蔔糕：菜色澤誘人，木魚絲同XO醬嘅香味提升咗蘿蔔糕嘅味道，口感豐富，值得一試。
蟹籽櫻花蝦蝦餃：外表出眾，係櫻花粉色，仲有少少金粉襯托，記得同中環間紅樓都有呢款點心，好igable，但味道平庸。
飛魚子鰻魚燒賣：上面係一塊鰻魚，燒賣皮係淡綠色，第一次食鰻魚燒賣，味道好特別。
藥膳鳳爪：鳳爪腍嫩入味，藥膳味道好重，怕藥材味嘅要小心。
流汁叉燒包：外貌普通，口感軟熟，但不太推薦。
五柳炸雲吞：外皮脆卜卜，入面嘅餡料鮮美，上面有醃製菜絲，中和煎炸感。
粉麵個啲係午市12點打後先可以點，今日冇緣食。如果懷着試吓新嘢嘅心態，同埋打下卡，呢間嘢就好值得大家嚟，因為啲嘢食都算係正常，又整得好靚。
張貼
