陳小館 (已結業)

而家食飯兩個人一枱，過咗午市又想飲下茶食個包？嗌呢一個下午茶set，兩個人食啱啱好😋 呢個set一共有兩層，第一層有三款甜點，第二層有四個鹹點，再加一個”雀巢”。點心嘅外型精緻，味道都唔錯，雖然唔係用蒸籠上，但係上菜嘅時候仍然保持食物嘅溫度。鹹點大部份都好精緻，無論係蝦餃燒賣都比酒樓嘅賣相好，而燒賣亦都有一層黑魚籽喺上面，代替傳統嘅蝦籽。而佢嘅“雀巢“個菜名叫“有雞先定有蛋先“，夠晒gimmick。其實就係一隻🐥造型嘅鹹水角，同個薑汁蒸蛋放埋一齊。賣相好cute，味道唔錯，但個皮可以再薄少少。甜點之中最特別嘅係“影雪白切糕“，味道比較似出面做嘅米糕加椰汁糕，面層有好多唔同色嘅米紙，香而不甜。味道: 🌕🌕🌕🌖🌑服務: 🌕🌕🌕🌕🌑環境: 🌕🌕🌕🌕🌑價錢: 🌕🌕🌕🌕🌑－－－－－－－－－－－－📍 陳小館 (尖沙咀)尖沙咀加連威老道14號加連威大廈地舖－－－－－－－－－－－－#tiufufoodie在尖沙咀 #hkfood #hkfoodie #hkfoodlover #食到尖沙咀 #尖沙咀美食 #香港foodie #食好西 #香港食評 #香港食好西 #foodlover #hkigfoodie