Goldfinch (已結業)

慶祝結婚周年當然要食fine dining ✨，中環「Goldfinch 」絕對有驚喜🥂，餐廳坐位唔多，可以細緻照顧到每一位人客👍🏻。廚師係法國藍帶廚藝學校畢業🎓，實力當然有保證，響食物創作非常出色，Fusion菜式以歐洲食品為基礎，再混合東南亞口味，非常適合香港人。💯頭盤Red Shrimp，香煎紅蝦帶點冬蔭公味道，大蝦🦐新鮮，肉質爽口鮮甜，配搭新鮮車厘茄，清新開胃。「Kuih Pie Tee」鬆脆批外皮盛滿三文魚粒及提子🍇切片，外脆內軟而帶點提子甜味，非常好味。而主菜「Beef Short Ribs」十分有驚喜，牛筋條夠冧，肥瘦適中✨，入口即溶，配合雨衣金蘭🥬，粟米汁底，必點之選。另外「Eel Risotto 」同樣驚艷👍🏻，醬燒鰻魚爽口好味😋，Risotto 軟硬適中有咬口。最後不少得甜品，兩款甜品🍮甜度適中，非常可口。雖然菜單款式唔算多，但每款菜式都係用心之作，品嘗食物既時候感受到廚師既努力同心意。👍🏻