皇軒私房菜 (裝修中)

約好幾個朋友嚟食私房菜，先留左位～ 一上嚟都覺得幾surprise, 環境優雅，地方雖少，但樣樣俱全～容納兩、三張四人枱，一張大枱，都依然空間寬闊～ 約朋友吹水食飯啱晒～先食前菜冷盤，有溏心蛋胡麻沙律同泡椒鳳爪。泡椒鳳爪白雪雪，色澤媲美白雲鳳爪，味道酸辣開胃😋😋😋 作為中式前菜，一定必嗌～溏心蛋沙律🥗都唔輸蝕，夠晒新鮮～ 食完冷頭盤，好快就上熱盤～ 蜜椒牛柳粒 🤤 蜜糖嘅甜味同黑胡椒嘅香辛味交融，依附係薯仔同牛柳粒上，一啖一粒，同舌頭交纏，令味蕾開花～ 嗜蜜嘅朋友唔可以錯過～主菜有三樣，香草燒羊架、蠔皇花膠玉掌、XO醬鮑魚雞粒炒飯！香草燒羊架非常新鮮，烤得夠香夠腍，零羶味，就咁食又得，沾沾旁邊黃芥末，刺激一下味蕾又得，或沾上薄荷酸梅醬，食得更滋味～我自己就超鐘意個薄荷酸梅醬，好正，搵唔到其他地方出現過呢種味道😋蠔皇花膠玉掌，隻玉掌超讚～ 鴨掌超軟滑，入晒蠔油味但唔會過鹹。平時都唔鐘意食，但呢度鴨掌極好食 😍好想食多幾隻～ 可惜得一隻... 之因為仲有手掌咁大嘅花膠，勁😂 食完包保皮膚滑滑，咁多骨膠原。為健康，當然炒多個西蘭花。食得出汆水再炒，玻璃芡味濃 😋😋😋最後食埋XO醬鮑魚雞粒炒飯