昼月

營業中

休息中

Honey在銅鑼灣返工話發現有新餐廳食日式便當話帶我試吓，於是就嚟咗昼（讀音：晏）月，呢度係先點餐付款，日式快餐店形式。點咗兩個飯+兩款小食，包括：- 昼月雞肉玉子丼- 日式昼月串燒飯轉烏冬- 吉列生蠔2隻- 蝦天婦羅2隻昼月雞肉玉子丼嘅雞肉係用咗免治雞肉+雞胸軟骨製成，每一啖都好有雞胸軟骨嘅爽脆口感，配上特製醬油+日本雞蛋嘅蛋黃混合後，味道提升。而暖暖嘅厚身嘅玉子，食落啖啖玉子香，好好味！日式昼月串燒烏冬包括有一串雞肉、一串兩隻手羽、一串西班牙豬腩片、一串車厘茄及一串冬菇。烏冬係讚岐烏冬入口嫩滑，而雞羽燒到黃金色雞皮非常香脆，另外西班牙豬腩片亦都好香口，好好味！整體食物都好好味，唯一可惜係我唔係喺銅鑼灣返工，否則呢度一定變成我嘅飯堂。