一家醬鴨 ($80)
一上枱就有一種甜酸味撲鼻，未食已經令人流晒口水。鴨肉厚實嫩滑，佢嘅醬汁係甜甜酸酸嘅香醋味，鴨肉完全吸收晒醬汁，入口啖啖肉，正👍🏽
山東煎餅歯 牛肉卷大蔥 ($218)
賣相好吸引，佢係一個拼盤，用煎餅包住牛腱肉、大蔥、山楂、炸麵條等配料，再配合一個綠色嘅青醬，入口層次非常豐富。
紫洋蔥涼拌 苦瓜海帶絲 ($88)
呢個前菜一上枱，麻香味撲鼻😍海大絲非常爽口，無諗過原來涼拌苦瓜同海帶絲會咁襯，酸酸辣辣嘅感覺加埋苦瓜嘅清新！食到我停唔到口😘
杜甫黑白隻酥($75)
呢個酥皮入邊包住金華火腿餡料，從來未食過呢種口感嘅酥，一入口就讚不絕口！除咗酥皮香脆之外，入邊金華火腿餡料豐富，帶有微微嘅麻辣口感！完全係非常創新！
蓮子百合糕 ($42)
呢個飯後甜品都係值得一試嘅。心形嘅外觀打卡一流，入邊有杞子同蓮子，非常養生，煙煙韌韌嘅口感，相信大人同小朋友都會非常鍾意😘
丫頭 ($45)
呢杯飲品個名非常得意，裏面有芒果肉粒，石榴汁，番石榴肉，櫻桃啫喱，椰子芝士雲 ，入口非常濃郁嘅石榴味，每一啖都吸到櫻桃啫喱，賣相仲非常吸引！
香水表舅父 ($38)
呢杯表舅父成份有香水檸檬，青提子汁，青提子肉，茉莉花茶，蜜糖爆珠 ，入口同樣清新，冰涼又解渴。
