公主 (已結業)

信和大廈，常常經過但絕少踏足嘅地方。但估唔到，隠藏住呢個用心製作，食物質素超優嘅餐廳！單睇餐應名，第一時間會誤以為係sell「女僕」或「公主」等主題嘅cafe，毒男嘅集結地，但實情剛好相反。餐應佈置有種歐洲貴族風情，精緻但唔會太over，最重要喺配合食物主題！ ｜Bread With Special Butter｜先來個餐包。白色餐巾下是兩塊小巧嘅餐包及圓滾滾嘅牛油。職員解說後，方知它們來頭可不小！牛油喺餐廳自家製，當中加入咗cream cheese及basil leaves，外層點點紅色的粉末喺蘋果碎，整個製作過程超過一日咁耐！果然，塗於新鮮餐包上比一般牛油更有層次，味道相當特別！ ｜Pumpkin with Goat Cheese｜第二道菜係燒南瓜配羊奶芝士。職員再次細心解說，南瓜炆入軟稔入味後再次火鎗略燒表層，清甜南瓜，配上羊奶芝士及檸檬汁。不會有太膩，酸酸甜甜反而更有特式！ ｜Carrot Pumpkin Soup.｜個人對南瓜湯有情意結，見到呢款湯一上枱，雙眼簡直發光！甘荀南瓜打得超細緻，入口好Creamy，如果覺得太甜，職員推介可以拌入碟邊沿嘅黑