老百姓火鍋刺身 (已結業)

見放寬限聚令人數至4位，所以約埋身邊一班好友相聚一下。今次試下呢間火鍋店，湯底點左佢嘅招牌滋潤百姓湯($388)、另外配料叫左招牌鴛鴦滑($108)、極品本地手切肥牛($328)、一口牛立方($158)、牛脷花($88)、招牌水餃皇($78)、蔬菜雜菌拼盤($88)、蘿蔔片($28)、鮮魷($78)、豬潤($58)、台灣空運鮮鴨血($58)、牛筋丸($48)、稻庭烏冬($38)、即炸響鈴($48)、竹庶茅根($68)*3調味醬料：隨你口味混醬，不過除左豉油之外，呢到仲有黑醋可以加，都幾特別😃滋潤百姓湯：呢個湯底列明係6人份，主要材料有花膠、螺頭、哈蜜瓜、雞湯。上湯時見到哈蜜瓜上面放左原隻雞，大大隻非常足料👍🏻個湯加熱之後職員會幫手分一人一碗湯黎飲，真材實料煲出黎，飲落係勁清潤鮮甜絕無味精🤤然後職員會拎返隻雞出黎放碟當餸，同會幫手剪開哈蜜瓜等個湯愈煲愈甜，非常細心🥰即炸響鈴：果然即炸，食落勁脆但唔油膩，整得好好，仲有個甜酸醬點黎食😋招牌鴛鴦滑：即係墨魚滑同蝦滑，不過用上錦鯉🐟造型都幾有心思😍夠新鮮所以咬落彈牙味道又幾香濃👍🏻極品本地手切肥牛：切得夠薄，淥一陣就食得，肉質鮮嫩，牛味極為濃味