影片
更多
2022-02-22
515 瀏覽
餐廳：KAKU (土瓜灣)地址：土瓜灣馬頭圍道63號啟岸1樓11號舖呢間開咗兩個幾月嘅西日式fusion料理餐廳——KAKU @kaku_hk ，位於土瓜灣馬頭圍道嘅啟岸巷子裡面，成幢建築以「星空下嘅郵輪」為設計藍本🚢，地下同1樓喺美食大道，有各式各樣嘅餐廳🍴，亦用咗無頂式長廊設計，而1樓就有露天平台，成個裝修同風格就好似走咗入日本文藝復興時代咁🇯🇵餐廳老闆開咗一系列嘅日式餐廳，呢間「KAKU」中文意思喺「隱」，另外仲有旗下「隱町」等串燒店、清酒店同居酒屋餐廳🏮開陽嘅玻璃比自然光充分咁射入餐廳裏面☀️，成間餐廳顯得好光猛，餐廳寬躺而主要分開三個部份：Cafe Area、Dining Table連VIP房同埋Lounge Bar Area，啱晒唔同客人嘅需要😌，而我今次就同朋友坐喺近住Lounge Bar Area嘅梳化位🛋除咗用日本當造食材之外，餐廳亦會因住春夏秋冬四季而加入唔同嘅是令亞洲元素喺菜式當中，配搭埋西式嘅煮法，將新穎嘅fusion菜特色帶到食客面前✨，唔知今餐又帶唔帶到驚喜比你呢🎉？叫咗兩個set lunch，每個餐都有餐包、餐湯/沙律🥗、是日甜品同八選一飲品🍵。餐包一硬一軟
地址：土瓜灣馬頭圍道63號啟岸1樓11號舖
呢間開咗兩個幾月嘅西日式fusion料理餐廳——KAKU @kaku_hk ，位於土瓜灣馬頭圍道嘅啟岸巷子裡面，成幢建築以「星空下嘅郵輪」為設計藍本🚢，地下同1樓喺美食大道，有各式各樣嘅餐廳🍴，亦用咗無頂式長廊設計，而1樓就有露天平台，成個裝修同風格就好似走咗入日本文藝復興時代咁🇯🇵
餐廳老闆開咗一系列嘅日式餐廳，呢間「KAKU」中文意思喺「隱」，另外仲有旗下「隱町」等串燒店、清酒店同居酒屋餐廳🏮
開陽嘅玻璃比自然光充分咁射入餐廳裏面☀️，成間餐廳顯得好光猛，餐廳寬躺而主要分開三個部份：
Cafe Area、Dining Table連VIP房同埋Lounge Bar Area，啱晒唔同客人嘅需要😌，而我今次就同朋友坐喺近住Lounge Bar Area嘅梳化位🛋除咗用日本當造食材之外，餐廳亦會因住春夏秋冬四季而加入唔同嘅是令亞洲元素喺菜式當中，配搭埋西式嘅煮法，將新穎嘅fusion菜特色帶到食客面前✨，唔知今餐又帶唔帶到驚喜比你呢🎉？
叫咗兩個set lunch，每個餐都有餐包、餐湯/沙律🥗、是日甜品同八選一飲品🍵。
餐包一硬一軟，非常鬆脆，未食已經聞到麵包香🥯，配上兩款牛油，分別喺味噌牛油同蒜蓉牛油🧈；
是日餐湯喺南瓜湯而沙律喺和風沙律🥗，
甜品就有迷你朱古力慕絲蛋糕，每樣食物擺碟都好精緻，相當吸睛😍
✝️Spanish IBP Pork Rack $198
將西班牙黑毛豬豬鞍以西式慢煮過後拎去煎香，切開見到粉嫩嘅肉質🐖，
熟成程度喺perfectly well😎，食落軟腍多汁💦，配上日式牛骨湯燒汁，令肉香層次更上一層樓；另外有抱子甘藍 (Brussels sprouts) 作為伴菜，即喺我哋叫嘅迷你椰菜仔，吸收晒肉汁同燒汁嘅精華，真喺值得一試
✝️Toro Fried Rice With Eel Roll $218
日式鰻魚飯就食得多，通常見嘅都喺原條鰻魚放喺飯上面，餐廳有見及此想製造與別不同嘅特色，將鰻魚包捲住日式炒飯，好似一隻大鮑魚咁😋，上面仲放咗滿滿嘅吞拿魚茸同蟹籽，雖然睇落好細份，但食晒成條飽滿濃郁嘅鰻魚同鮮味突出嘅吞拿魚茸，份量又真係啱啱好👍
✝️Mille-Feuille $138
另外叫咗呢款法式千層酥，亦喺我哋叫嘅拿破崙，切開感覺好似一片片酥脆嘅樹葉咁🍂，面頭同中間都夾雜咗蛋奶醬(pastry cream)，另外灑上糖霜，加上酸甜嘅奇異果粒去除甜膩感🥝，味道不過不失，喺有啲貴🙈
飲品叫咗杯Hawaii cocktail fruit tea同Latte️(+$15$) ☕，餐廳同一間本地品牌合作，用上自己風乾嘅果肉去調配唔同口味嘅茶包，飲落幾fresh幾清香🍓，
值得一提佢哋嘅杯都好靚🤩，用嚟打卡一流📸張貼
