富臨薈 (已結業)

平時成日都會去富臨飲茶，之前留意到富臨薈係富臨集團食新派菜嘅，見佢啲點心幾精緻，都有啲興趣試下，所以今晚約朋友黎試。呢度環境舒服寛敞，裝修有時代感設計，有別於一般嘅富臨酒樓，係走年輕人路線。火辣辣荔枝包 $38個名好得意吸引到我，不過原來荔枝只係外型，係冇荔枝味架，但係都幾好食，包好軟熟，裡面係類似叉燒包，不過係黑椒味嘅，創新得黎食落幾惹味！鮮蝦菜苗餃 $38熱辣辣，皮薄餡料多，鮮蝦都幾新鮮！黑松露炒露荀蝦球 $138我好鐘意食露荀，而佢都炒得好爽口，黑松露味又唔會蓋過蝦味，大蝦好大粒新鮮彈牙，不錯避風塘蝦兵蟹將 $498重頭戲避風塘蝦兵蟹將，龍蝦同蟹配以避風塘嘅炒法，別有一番風味。龍蝦啖啖肉好正，肉質彈牙。而炒蟹無唸到竟然有勁多蟹膏好香，加埋微微嘅辣味，非常惹味。天氣咁熱，一路食熱氣野一路飲沙冰，真係一大享受。芒果菠蘿沙冰 $32果汁味好濃郁，好清新，爽！士多啤梨乳酸沙冰 $32酸酸甜甜，益力多味道，解渴一流！桂花雪梨 $38飯後甜品，點咗個滋潤嘅桂花雪梨。雪梨原個上，好細心咁去咗雪梨芯，所以冇酸味。甜甜嘅糖水有住淡淡嘅桂花清香，飲完即刻好滋潤。