影片
更多
2019-08-11
73 瀏覽
鍾情於中菜，好多時候如果冇特別約朋友是其他特別嘅菜，我就會選擇食中菜。樂天皇朝我食過，樂天經典我就第一次試。本身我自己都好鍾意去新加坡因為嗰度啲嘢食真係又平又好味，所以喺香港如果搵到新加坡菜我都會毫不猶豫咁去試！樂天經典最特別嘅地方係佢每一味餸都可以揀份量，有大中細3個size，大家可以按人數決定點邊個份量，絕對唔需要浪費食物，餐廳呢個安排真係好細心，最啱兩個人想去食中菜但又怕食唔到太多野嘅朋友！❤荔枝咕嚕肉 酸酸甜甜嘅咕嚕肉好啱夏天食，好開胃呢味菜入面仲加入左荔枝，如果你覺得咕嚕肉係炸嘢好肥膩嘅話，入面嘅水果就啱啱好可以平衡返個肥膩感。咕嚕肉做得好脆，但入面又唔會乾晒水，我同朋友都好鍾意食呢味餸🤤黃金蝦球我承認我係一個港女，好鍾意食黃金乜乜乜，而且我亦都好鍾意食海鮮，所以即刻決定點呢個蝦球試一試佢。蝦球啱晒啲懶人🍤，因為唔使剝殼又啖啖肉。每一隻大蝦都被滿滿嘅鹹蛋黃包住，但佢個鹹蛋黃又唔會做到好濕好膩，皆因小編h喺其他地方係有食過好濕好油膩嘅鹹蛋黃菜式，要知道雖然你味菜好普通，好似每間餐廳都有，但食落你就會知道有分別。喇沙湯滑雞米線 其實我好鍾意食米線，而且亦都好鍾意食喇沙，所以其實今
鍾情於中菜，好多時候如果冇特別約朋友是其他特別嘅菜，我就會選擇食中菜。樂天皇朝我食過，樂天經典我就第一次試。本身我自己都好鍾意去新加坡因為嗰度啲嘢食真係又平又好味，所以喺香港如果搵到新加坡菜我都會毫不猶豫咁去試！樂天經典最特別嘅地方係佢每一味餸都可以揀份量，有大中細3個size，大家可以按人數決定點邊個份量，絕對唔需要浪費食物，餐廳呢個安排真係好細心，最啱兩個人想去食中菜但又怕食唔到太多野嘅朋友！❤
荔枝咕嚕肉
酸酸甜甜嘅咕嚕肉好啱夏天食，好開胃呢味菜入面仲加入左荔枝，如果你覺得咕嚕肉係炸嘢好肥膩嘅話，入面嘅水果就啱啱好可以平衡返個肥膩感。咕嚕肉做得好脆，但入面又唔會乾晒水，我同朋友都好鍾意食呢味餸🤤
黃金蝦球
我承認我係一個港女，好鍾意食黃金乜乜乜，而且我亦都好鍾意食海鮮，所以即刻決定點呢個蝦球試一試佢。蝦球啱晒啲懶人🍤，因為唔使剝殼又啖啖肉。每一隻大蝦都被滿滿嘅鹹蛋黃包住，但佢個鹹蛋黃又唔會做到好濕好膩，皆因小編h喺其他地方係有食過好濕好油膩嘅鹹蛋黃菜式，要知道雖然你味菜好普通，好似每間餐廳都有，但食落你就會知道有分別。
喇沙湯滑雞米線
其實我好鍾意食米線，而且亦都好鍾意食喇沙，所以其實今次黎樂天經典其中一樣我最期待嘅就係喇沙米線！但係坦白講，可能希望越大，失望越大。呢個喇沙米線真係相當普通，湯底冇乜蝦味，米線太粗，雞太肥。而且可能因為其他餸菜做得太出色，所以相比之下呢個就好失色。
海鮮皇炒飯
好多中國人覺得一餐飯冇飯落肚好唔自在。原來呢個海鮮炒飯係家傳戶曉，其中一個樂天經典招牌菜！返入面用咗鮮嫩嘅蝦，帶子及魚籽，口感豐富有層次，而且用料上乘，成個飯嘅感覺粒粒飯都分明！好好食！🥳
馬拉盞炒蜆
值得一提嘅係樂天經典仲有宵夜時段嘅限定菜式，雖然我哋今次去唔係宵夜嘅時間，但餐牌上嘅食物都可以點，而且價錢亦都一樣。多次強調好鍾意食海鮮嘅我當然要試吓呢個炒蜆。呢度嘅炒蜆粒粒都好飽滿好圓潤，再加埋佢微辣嘅醬，好嘢味食到停唔到口。
蝦醬雞中翼
雖然呢個雞翼係細size，但上台都見到有八隻中型雞翼，比想像中多。可能之前喺其他鋪頭食雞翼有唔好嘅感受，所以食呢個嘅時候冇抱住太大嘅期望，但一咬一啖，我同友人都不禁講咗好多句：好好食呀！因為佢用蝦醬嚟醃雞翼，雖然佢炸左，但都食得出好濃郁嘅蝦醬味。而且佢外表渣得好金黃鬆脆，但咬開之後肉汁仲鎖住喺入面，好鮮嫩嘅雞肉。口感同味覺都係一種享受。
張貼
