影片
更多
2016-11-29
1730 瀏覽
101手工涮涮鍋 (尖沙咀)最近，我都食咗好多唔同風格嘅火鍋，有放題、日式、港式及韓式，應有盡有，實在令人非常興奮。冇計啦，天氣越嚟越凍，唔打邊爐暖下個身，唔通日日食甜品咩整凍自己咩。今次就黎到位於尖沙咀嘅台式火鍋放題， 101手工涮涮鍋，台式火鍋都係喺香港第一次食，感覺好似非常新鮮有趣，話明手工，應該所有野都係精緻而且創新，一於睇下呢度有咩食啦。進入餐廳後，發現餐廳的裝潢同埋設計都非常高尚優雅，座位寬敞企理，坐得非常舒服。先混一混醬！前菜任食，大家不能錯過呢度嘅前菜啊，小小辣，勁惹味開胃。先揀一個涮涮鍋，今次我哋就揀咗沙茶雞煲，沙茶雞煲一上枱已經非常香，而且雞件唔少，肉質嫩滑重雞味，沙茶醬惹味可口，其實有點似較甜的沙嗲汁，真係好濃味，岩哂我！之後店員就開始將配料逐樣上枱，以下呢啲都係二人分，唔係任食的。手切安格斯牛頸脊肥牛片肥牛片切得一啲都唔薄，脂肪分布良好，雪花紋幾靚，而且份量都唔少，咬落牛味香濃，肉嫩味美，一啲都唔un，接近入口即融，肉脂相間既感覺好正呀！時令海鮮拼盤時令海鮮拼盤有刀貝蜆、游水大鬼蝦、白鱔片、花甲王、脆鯇魚片同桶蠔。必食桶蠔，超大隻，而且多汁蠔味夠鮮，白鱔片咬落爽
最近，我都食咗好多唔同風格嘅火鍋，有放題、日式、港式及韓式，應有盡有，實在令人非常興奮。冇計啦，天氣越嚟越凍，唔打邊爐暖下個身，唔通日日食甜品咩整凍自己咩。
今次就黎到位於尖沙咀嘅台式火鍋放題， 101手工涮涮鍋，台式火鍋都係喺香港第一次食，感覺好似非常新鮮有趣，話明手工，應該所有野都係精緻而且創新，一於睇下呢度有咩食啦。
進入餐廳後，發現餐廳的裝潢同埋設計都非常高尚優雅，座位寬敞企理，坐得非常舒服。
先混一混醬！
前菜任食，大家不能錯過呢度嘅前菜啊，小小辣，勁惹味開胃。
先揀一個涮涮鍋，今次我哋就揀咗沙茶雞煲，沙茶雞煲一上枱已經非常香，而且雞件唔少，肉質嫩滑重雞味，沙茶醬惹味可口，其實有點似較甜的沙嗲汁，真係好濃味，岩哂我！之後店員就開始將配料逐樣上枱，以下呢啲都係二人分，唔係任食的。
手切安格斯牛頸脊肥牛片肥牛片切得一啲都唔薄，脂肪分布良好，雪花紋幾靚，而且份量都唔少，咬落牛味香濃，肉嫩味美，一啲都唔un，接近入口即融，肉脂相間既感覺好正呀！
時令海鮮拼盤時令海鮮拼盤有刀貝蜆、游水大鬼蝦、白鱔片、花甲王、脆鯇魚片同桶蠔。
必食桶蠔，超大隻，而且多汁蠔味夠鮮，白鱔片咬落爽脆油潤，魚味香濃，係我食火鍋最鍾意食嘅海鮮配料，刀貝蜆鮮甜美味，味道新鮮，又係好大隻，呢度好似好多野都係珍寶size，淨係食海鮮都食到我哋好滿足。
跟住店員又再將手工火鍋拼盤上枱，好彩張枱夠大，放得晒所有野。
手工火鍋拼盤包括有墨魚汁鳥結糖、太極冬菇、蝦兵蟹將雪條、三重芝士安格斯霜降牛丸、三重芝士鮮製蝦院、三重芝士鮮製墨魚丸、黑松露蟹子海鮮軍艦、黑松露蟹肉餃及黑松露芝士豚肉餃。講真，淨係食呢啲都已經超級飽，要推介嘅係呢度嘅手打丸，咬落爽口彈牙，而且味道非常濃郁，調味剛剛好，特別推介三重芝士墨魚丸，真係好彈牙，墨魚丸入邊真係有墨魚粒，真材實料！仲有墨魚汁了結糖真係好特別，初時以為係硬嘅，點知原來咬落去係淋淋地，而且有墨魚汁嘅味道，另外，黑松露芝士豚肉餃嘅黑松露味好突出，皮薄餡靚👍🏼
原來仲未完，店員隨即再將手工即炸響鈴卷拼手工即炸魚皮上枱，原來驚喜係呢度，即炸響鈴大大嚿，啱啱炸好，就咁食都已經香脆可口，再放入湯底裏面，吸收晒所有沙茶醬同海鮮嘅精華，真係好濃味，超正。之後我哋只係嗌左生菜嚟打邊爐，因為已經食唔到佢其他任食嘅配料，實在太豐富太飽啦。
總括來講，要食精緻創新火鍋，質素又要好，價錢又要唔貴嘅話，就來呢度食台式火鍋放題啦，一定合你心意。
尖沙咀厚福街9號地下
張貼
