禮記 (已結業)

將軍澳新區一間好靚嘅中式餐廳，裝修典雅貴氣，一入到去，好古典及糅合現代風格嘅環境，坐得好舒服。荔枝紅茶，口味特別甘香，一個靚茶。侍應生話所有點心即叫即做，餃子類更加係即點即包，所以等候時間會比較長。禮記黑金蝦餃王非常之高貴嘅蝦餃，賣相攞足滿分，蝦餃皮薄入面材料豐富，皮有少少芝麻嘅香味，啲蝦就大隻兼爽口，味道令人難忘。紅菜頭松露野菌紫紅色嘅餃子好特別，外型精緻。呢個素食餃子啱晒素食愛好者，新鮮熱辣嘅點心，真係特別好食。京滬灌湯小籠包三色小籠包，入邊都好多湯，小籠包被博，好有心思嘅一款點心。小雞雞紅豆包超級可愛嘅豆沙包，豆沙係餐廳自己做，好好味，係真有紅豆質感嘅豆沙。