金公館 (彩明商場) (已搬遷) 新店位置

住在調景嶺的姪仔生日，今日專程過嚟同佢食晚飯，我哋訂咗姪仔樓下商場的金公館，上次買過外賣比佢食，大家都喜歡。餐廳防疫措施做得好好，大家都食得放心。烤北京填鴨半隻：新鮮烤製、皮脆肉嫩、陣陣烤香，師傅已經將皮下脂肪切走，去除油脂食得健康。配合埋蔥條同埋青瓜條，配上唔同醬汁，食到唔同口味，熱辣餅皮夾住香滑鴨肉，一啖咬落去，真係齒頰留香！加78元可選多一食，五款選一款，我哋選咗野菌炒鴨絲，上枱香氣四溢，夠晒鑊氣，野菌爽口，鴨絲惹味。燕京膽雲吞雞湯半隻：份量都好多，經長時間熬製而成的雞湯，雞肉煮得嫩嫩的，已經切件方便進食，雲吞皮薄餡靚，粒粒飽滿，湯口既清甜又好喝。四川擔擔麵：幼滑麵條在惹味麻辣湯料中， 伴著豬肉碎和蔥花，每吃一口，都叫味蕾跳躍起來，濃郁鮮香。紅油龍抄手：抄手皮薄餡鮮，醬汁微辣濃香。炸金銀饅頭半打：即叫即做，炸好的小饅頭外脆里嫩，再蘸些煉乳一起吃，更是別有風味 。