7
1
0
等級2
14
0
2018-12-26 328 瀏覽
我係一個對羅宋湯極度無抵抗能力嘅人,一見到就會想飲,但好味嘅羅宋湯真係唔係度度都有。記得係以前偶然發覺呢間餐廳有個羅宋湯餐,一試之下真係驚為天人,從此就一諗起就嚟食。呢個餐重點故之然係羅宋湯,可以揀意粉、米粉、螺絲粉之類。隨餐仲有多士、煎\炒蛋、腸仔\火腿\餐肉(任揀一款,我嘅味覺判斷,應該係廚師牌雞肉腸,即刻令個餐價值高咗),仲有餐飲。我好鐘意呢個羅宋湯係因為佢個味好濃,唔會好稀好水,少少羅宋湯嘅辣味,仲有好多蔬菜,連我朋友試過都話”卒之知道點解你咁鐘意食喇”。如果唔想要餐,剩係叫個湯都可以,大大碗都係十幾蚊,有時我唔太肚餓,都係飲個湯就算。而且呢度個凍檸茶都幾好飲,個牛脷酥都好好食,個人覺得係比另一間海字頭嘅舖頭好食,就算凍咗個味都ok。P.S.試過當我叫牛脷酥,個落單姐姐會問你”要唔要剪(條牛脷酥)”,有次我聽錯以為姐姐問我”要唔要錢”,嗰下真係呆咗一呆,諗返都好好笑。
更多
我係一個對羅宋湯極度無抵抗能力嘅人,一見到就會想飲,但好味嘅羅宋湯真係唔係度度都有。記得係以前偶然發覺呢間餐廳有個羅宋湯餐,一試之下真係驚為天人,從此就一諗起就嚟食。

呢個餐重點故之然係羅宋湯,可以揀意粉、米粉、螺絲粉之類。隨餐仲有多士、煎\炒蛋、腸仔\火腿\餐肉(任揀一款,我嘅味覺判斷,應該係廚師牌雞肉腸
,即刻令個餐價值高咗
),仲有餐飲。我好鐘意呢個羅宋湯係因為佢個味好濃,唔會好稀好水,少少羅宋湯嘅辣味,仲有好多蔬菜,連我朋友試過都話”卒之知道點解你咁鐘意食喇”。如果唔想要餐,剩係叫個湯都可以,大大碗都係十幾蚊,有時我唔太肚餓,都係飲個湯就算。

而且呢度個凍檸茶都幾好飲,個牛脷酥都好好食,個人覺得係比另一間海字頭嘅舖頭好食,就算凍咗個味都ok。

P.S.試過當我叫牛脷酥,個落單姐姐會問你”要唔要剪(條牛脷酥)”,有次我聽錯以為姐姐問我”要唔要錢”,嗰下真係呆咗一呆,諗返都好好笑

海景羅宋湯餐
19 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
推介美食
海景羅宋湯餐
  • 羅宋湯
  • 牛脷酥