海景粥店茶餐廳 (已結業)

呢晚想清清地食一餐, 宜家搵粥舖都唔易, 呢間舖到都幾多粥選擇, 價錢全部$27碗, 有魚片,皮蛋, 豬紅,瘦肉, 碎牛, 艇仔, 可以揀一款或兩款餸, 見到我中意既豬紅, 加埋 艇仔, 豬紅艇仔粥, 正呀, 揀左粥當然要埋一條油炸鬼. 返到屋企打開碗粥系大碗仲有好多料, 牛肉加炸米粉, 魷魚, 花生, 豬皮, 幾足料, 再加埋條油炸鬼,重點系佢系脆既, 已經系夜晚7點幾條油炸鬼仲系脆, 真系好驚喜, 雨樣野夾埋都系$36蚊. 發現鋪頭仲有其他選擇, 米線餐, 三文治餐, 焗飯或意粉餐等等, 下次可試其他野食

我最初還一直在想，「海景粥店」作為一間粥店，按道理應該只有一般早餐粥麵食品提供，食客到了晚餐的時候，就未必再食到一般的碟頭飯。結果我在星期六下午，接近晚餐的時間光顧位於牛頭角「得寶商場」樓下，近着「牛頭角道」的「海景粥店茶餐廳」，才發現原來「海景粥店」名稱叫「海景」，而不是「X皇」，還有提供碟頭飯不是什麼奇怪的事。不過我以前每次經過旺角「亞皆老街」的時候，原來都跟「海景粥店茶餐廳」擦身而過，直到今時今日，我在「得寶商場」才注意到有「海景粥店茶餐廳」的存在。我本來想當「海景粥店茶餐廳」是晚餐，點了一客可以同時選擇兩款肉食，作為配菜的「精選飯餐」，以一碟「鴛鴦扒飯」為主，加上飲品而成的「精選飯餐」，可以成為我整晚的晚餐。結果「得寶商場」分店「海景粥店茶餐廳」製作的「精選飯餐」，製作所需要的實際時間，比我預計之中少了，大約十分鐘左右就已經製作完成。另一方面，「海景粥店茶餐廳」的「精選飯餐」可以自由選擇醬汁，包括有咖喱汁、白汁、茄汁、黑椒汁，還有味道偏向比較鹹的豉油汁。我選擇用裡面味道偏甜的「白汁」，配「海景粥店茶餐廳」版本的「鴛鴦扒」，後來實際製成品上檯之後，我才發現「海景」的「鴛鴦扒」跟「

叫左皮蛋粥，好咸，叫左炸兩，d油炸鬼硬嘅，腸粉係凍ge，叉燒腸都係，好明顯一早整好，放左好耐，好難食，第一次食凍ge腸粉。d野好吾新鮮，吾應該用d甘ge質素ge食物卑客人。吾會再去

今日又去開淘大，辦完事去搵個地方食下午茶，想食粥，海皇以外仲有選擇，行遠少少，有間海景粥店。其實這還是一家茶餐廳，內裡空間頗大，可以隨便坐。食粥套餐$35，揀個$27粥，加個油器$11，原價係$38，慳了三大元。我的粥餐：皮蛋魚片粥+牛脷酥牛脷酥外表不脆，有點失望，好吃的牛脷酥是表面有點脆，而內裡軟韌，口味有點甜的，沒了口感就不是那回事了。皮蛋魚片粥，粥底綿綿，魚片份量不少，有魚鮮味，皮蛋亦好多，食味不錯食完碗粥已經好飽。

差不多10點唔想食太多野咁想搵下腸粉炸両呢d食下見到呢間咩都有得食咁就叫少少野食下啦！碎牛粥，唔細碗，都好綿，但碎牛少左d炸両，好大碟，包住嘅油炸鬼好脆，好抵食但叉燒腸，d腸粉好"唉"口，比較失敗

我係一個對羅宋湯極度無抵抗能力嘅人，一見到就會想飲，但好味嘅羅宋湯真係唔係度度都有。記得係以前偶然發覺呢間餐廳有個羅宋湯餐，一試之下真係驚為天人，從此就一諗起就嚟食。呢個餐重點故之然係羅宋湯，可以揀意粉、米粉、螺絲粉之類。隨餐仲有多士、煎\炒蛋、腸仔\火腿\餐肉(任揀一款，我嘅味覺判斷，應該係廚師牌雞肉腸，即刻令個餐價值高咗)，仲有餐飲。我好鐘意呢個羅宋湯係因為佢個味好濃，唔會好稀好水，少少羅宋湯嘅辣味，仲有好多蔬菜，連我朋友試過都話”卒之知道點解你咁鐘意食喇”。如果唔想要餐，剩係叫個湯都可以，大大碗都係十幾蚊，有時我唔太肚餓，都係飲個湯就算。而且呢度個凍檸茶都幾好飲，個牛脷酥都好好食，個人覺得係比另一間海字頭嘅舖頭好食，就算凍咗個味都ok。P.S.試過當我叫牛脷酥，個落單姐姐會問你”要唔要剪(條牛脷酥)”，有次我聽錯以為姐姐問我”要唔要錢”，嗰下真係呆咗一呆，諗返都好好笑。

相約舊同事K在九龍灣聚舊，嫌德福廣場太多人唔自在，K話帶我行過去德寶食粥，店名又粥店茶餐廳咁趣緻嘅，門口擺咗個油器櫃，睇見牛脷酥就想食，K話九龍灣區這一帶，想吃生滾粥或牛脷酥等油器，只此德寶商場這家海景粥店。店內茶餐廳裝修格局，望落乾淨企理無投訴，卡位闊落舒適，仲見到入面廚房忙碌嘅工作人員。下午茶時段，有粥餐同西餐揀，我揀咗:皮蛋魚片豬肚粥+炸兩K揀西式…炸兩先來，急不及待拮來食吓，外皮腸粉很滑，裡面油炸鬼脆口，該是剛做好不久的，唔係軟腍腍，好耐無食過啦，Yummy！皮蛋魚片豬肚粥端來，仍然冒著小氣泡，新鮮滾熱辣，久違了。粥底綿綿濃稠適度，正！豬肚絲很幼沒有嚼勁，魚片豬肚絲混著一起吃，味道唔錯，食完無口乾，應該無味精嘞。K食嘢時推介店外商場有個範圍叫牛下新城，就像走進時光墜道，有時間可以來細味一吓。

因為昨晚食得太飽！！今晚想食得清淡D！！附近有粥品賣嘅地方又好少！！忽然記起可以去牛頭角得寶商場嗰間海景粥店茶餐廳叫艇仔粥、鹹肉粽食！！去到門口見到維修緊度玻璃門！！真掃興！！都係買番屋企食吧！！碗粥裝到差D滿瀉！！很大碗！！食落D粥好綿！！味道剛好！！有很多材料: 碎牛、水魷、豬皮同豬肚！！我個人本身喜愛碎牛同豬肚！！豬肚很彈口！！呢種有炸米粉嘅碎牛平日好難食到㗎！！一定要食碎牛或艇仔粥時先會食到 , 認真珍貴！！鹹肉粽大大隻, 材料不是太多！有一隻鹹蛋同肥豬肉！！主要都係糯米同綠豆！！但我鍾意這種最傳统嘅组合！！加埋豉油巳經好好食！！

如果在九龍灣出沒開或九龍灣的街坊定必知道「海景」從前不是在這個位置而是在淘大商場。隨著租金一路上升結果陪伴九龍灣多年的海景也支持不住在九龍灣消失了一段時間。隨着得寶商場改革引入多間食肆，非常的開心海景再度歸來。海景個名寫到明粥麵但其實它是一間地道港式茶餐廳。海景除了粥麵之外，我諗在晚餐來說就一定是這個多多肉的碟頭飯。隨著香港人越嚟越重視身體嘅健康，所以大家都會見到呢類飯現在會加入一啲蔬菜...今晚呢個飯為例就特登加入一塊菠蘿。坦白講這類飯很多茶餐廳都有，海景嘅特色就是除了飯之外還會另外想一碗汁。愛汁的話，一定可以大快朵頤。司華力腸中間劏開扮一條，有創意我鍾意！此舉亦都令我可以減少食咁多肉，今時今日反而係一件好事。而且呢度開到深夜，宵夜絕對冇難度。

近排食得太heavy，要食返啖粥清下腸胃。因為淘大已經冇咗粥舖嘅關係，最近都要行到去得寶嘅海景粥店。唔經唔覺，原來海景粥店只係得返四間分店⋯睇嚟粥舖呢個產物都已經買少見少，講起都有啲掛住以前牛下嘅粥舖粟米豬潤粥$45，不愧係生滾粥，外賣拎到返屋企都仲滾熱辣，加左粟米蓉令到個粥底濃味得嚟帶啲甜，米煮得好綿，厚切豬潤有成五、六片。艇仔粥$33，粥底與豬潤粥不一樣，較淡口亦較細碗，但依然足料。炸兩$21，油炸鬼並非即炸，所以較淋身。炒麵$17，夠乾身不太油，有蔥絲、牙菜和椰菜絲，味道不錯。對個人而言，豬潤粥底越吃便越覺得太咸，最後吃不下了。而因我本身酷愛炸兩和炒麵（仲有得賣已經好難得⋯），對此要求不高，以連鎖店的質量來說已感滿意。

位於得寶商場的海景粥店, 很耐之前來過吃一次。是我男朋友帶我來吃的, 印象中是一間普普通通的茶餐廳, 不過我男朋友挺喜歡去這裡的, 可能是男人對於茶餐廳總會有一種情感吧   晚飯時間我們就到了海景, 說實話之前印象中只是普通的茶餐廳, 到今天再來吃才知道原來連店名都是粥店行頭的, 不過我個人不喜歡吃粥類食品, 其實海景有一張餐單是是日晚餐, 不過只有四款選擇 大概是普通的炒粉麵類, 而是日晚餐價$46包熱飲, 個人覺得款式比較普通, 而且其他餐單大概$50起, 相差不遠, 因此我就考慮自行選擇餐牌。我選擇的就是以下焗飯的餐牌, 有考慮過吃鮮茄焗豬扒飯還是任選兩款餸的飯, 因為都是有茄汁或白汁選擇, 不過我最後都揀了鮮茄焗豬扒飯, 因為我比較喜歡吃炒飯底。 以下是各類餐牌: 在等侯食物的期間先說說這裡的環境, 其實這裡地方十分寬敞, 檯與檯之間有距離私隱度高, 而且地方整潔光猛, 茶餐廳環境可以做到這樣乾淨真的十分不錯了。 這裡基本上所有視線角度都可以看到電視, 而且電視是LG高清電視 如果有球賽或追電視大結局時這裡都是個好選擇。 仔細看看桌子上有個調味及餐具架,把所有醬料

德寶花園地舖最近開了數間食肆, 今天坐巴士經過, 決定下車去光顧.  看到海景以為是粥品店, 那知後面加了"茶餐廳" 三個字, 這配搭簡直完美.近門口裝了電子餐牌, 很時尚, 遠看像中港頭碼的航班顯示, 好搞笑  內裡也有不少的電子餐牌, 常餐. 晚餐一目了然, 不用怕字體太草或太細, 十分窩心.  當然也設了大電視以供顧客打發時間, 但現今許多人也會自携平板電腦和手機, 眼球從未遠離, 連進餐時也機不離手...有點傷了店主和電視君的心        今天不想吃粥. 點了炒麵和我最愛的牛脷酥腸粉. 炒麵不一會已送上. 份量不少, 有荳芽和韮菜舖面, 炒麵味道不錯, 不會太油, 可惜不熱, 已經涼了.     牛脷酥腸粉. 喜愛它因為牛脷酥加腸粉的化學作用, 腸粉是微熱的, 牛脷酥皮脆內軟, 吃起來那絲絲甜味很開胃.  , 這是不是每間粥品店也有售賣的.      此店另一窩心之處為那調味架, 自行點選甜醬或辣醬, 連芝麻醬和芝麻也可以自已調配, 真讚!        名為茶餐廰, 當然也有三文治, 其他炒粉麵和焗飯等供應. 也就留在下次才試試吧.